كەلىسىم مەرزىمى ءبىتتى: يزرال حاماس-قا قارسى سوعىستى قايتا باستادى
گازا سەكتورىنداعى ءبىتىم مەرزىمى اياقتالدى. يزرايل ارمياسى گازا سەكتورىنداعى سوعىس قيمىلدارىن قايتا باستايتىنىن مالىمدەدى. Kazinform بۇل تۋرالى ساحال رەسمي اككاۋنتىنا سىلتەمە جاساپ حابارلايدى.
يزرايل ارمياسى گازا سەكتورىنداعى اسكەري قيمىلداردىڭ قايتا باستالاتىنىن رەسمي حابارلادى.
ساحال الەۋمەتتىك جەلىدەگى قىسقاشا مالىمدەمەسىندە حاماس ءبىتىم شارتىن بۇزدى دەپ ايىپتادى.
«يزرايل قورعانىس كۇشتەرى حاماس لاڭكەستىك ۇيىمىنا قارسى سوعىس قيمىلدارىن قايتا باستادى»، - دەلىنگەن حابارلامادا.
ەستەرىڭىزگە سالا كەتەيىك، گازاداعى اتىستى توقتاتۋ تۋرالى كەلىسىم 24-قاراشا كۇنى تاڭەرتەڭ كۇشىنە ەندى. سەيسەنبى كۇنى حاماس پەن يزرايل تۇتقىنداردىڭ بەسىنشى توبىمەن الماستى. كەشە بارلىق ايەل مەن بالا بوساتىلعان جاعدايدا يزرايل سوعىس قيمىلدارىن توقتاتۋ مەرزىمىن ۇزارتاتىنى حابارلانعان بولاتىن.
اۆتور
ەركەجان سماعۇلوۆا
