كەلەسى قىستا قازاقستاندا ەلەكتر ەنەرگياسى تاپشى بولادى
استانا. KAZINFORM - «KEGOC» ا ق باسقارما ءتوراعاسى ءنابي ايتجانوۆ 2024-جىلدىڭ قازانىنان 2025-جىلدىڭ ناۋرىزىنا دەيىن ەلىمىزدە ەلەكتر ەنەرگياسى تاپشىلىعى بولجانىپ وتىرعانىن ايتتى.
«الداعى كۇزگى-قىسقى كەزەڭگە ارنالعان بولجامدى بالانستار 2024-جىلعى قازاننان باستاپ، 2025-جىلعى ناۋرىزعا دەيىنگى ارالىقتا ەلەكتر ەنەرگياسى بويىنشا دا، قۋات بويىنشا دا تاپشىلىق بولاتىنىن كورسەتىپ وتىر»، - دەدى ءنابي ايتجانوۆ ق ر ەنەرگەتيكا مينيسترلىگىنىڭ القا وتىرىسىندا.
ونىڭ ايتۋىنشا، بولجامدى ەڭ جوعارى ەلەكتر جۇكتەمەسى (17,4 گ ۆ ت) مەن ستانتسيالاردىڭ 16,4 گ ۆ ت گەنەراتسيالاۋى كەزىندە تاپشىلىق شامامەن 1,025 گ ۆ ت قۇرايدى، ونى نەگىزىنەن رەسەي فەدەراتسياسىنان يمپورتتاۋ نەمەسە قازاقستان تۇتىنۋشىلارىن شەكتەۋ ارقىلى جابۋعا بولادى.
«الداعى كۇز-قىس كەزەڭىندە ەلەكتر ەنەرگياسىن تۇتىنۋدىڭ ءوسۋ ديناميكاسىنا سايكەس، وڭتۇستىك ايماقتىڭ ەڭ كوپ جۇكتەمەسى 4500 م ۆ ت- تان اسۋى مۇمكىن. وڭتۇستىك ءوڭىر تۇتىنۋشىلارىنىڭ قاجەتتىلىكتەرىن تولىق قامتۋدى قامتاماسىز ەتۋ جانە شەكتەۋلەردىڭ ەنگىزىلۋىنە جول بەرمەۋ ءۇشىن جامبىل گرەس 5 بلوكتىق رەجيمدە جۇمىس ىستەۋى قاجەت»، - دەدى ول.
جالپى، «KEGOC» ا ق دەرەكتەرى بويىنشا 2024-2030-جىلدارعا ارنالعان ەلەكتر قۋاتىنىڭ بولجامدى تەڭگەرىمى تاپشىلىق بولاتىنىن كورسەتەدى، 2030-جىلعا قاراي بۇل جەتىسپەۋشىلىك 6,2 گ ۆ ت- قا دەيىن جەتەدى.
