كەلەسى جىلى دۇنيەگە كەلگەن بالالار «بەتا ۇرپاعى» بولادى

استانا. KAZINFORM - بۇل ۇرپاقتىڭ قاي داۋىردە ءومىر سۇرەتىنىن New York Post ءتۇسىندىردى، دەپ حابارلايدى Kazinform تاسس اقپارات اگەنتتىگىنە سىلتەمە جاساپ.

الەۋمەت تانۋشى جانە فۋتۋرولوگ مارك ماككريندلدىڭ پىكىرىنشە، 2025-2039 -جىلدارى تۋىلعان بالالار «بەتا ۇرپاقتىڭ» وكىلدەرى بولادى.

بۇل ۇرپاق «الفا بۋىنى»، ياعني 2010-2024 -جىلدارى تۋىلعانداردان كەيىن ءومىر سۇرەدى. اتاپ وتىلگەندەي، «بەتا بۋىنىنىڭ» وكىلدەرى «كليماتتىڭ وزگەرۋى، جاھاندىق دەموگرافيالىق وزگەرىستەر جانە جىلدام ۋربانيزاتسيا» سياقتى كۇردەلى سىناقتارمەن كۇرەسەتىن الەمدى مۇرا ەتەدى.

- بەتا ۇرپاعى جاساندى ينتەللەكت پەن اۆتوماتتاندىرۋ ءبىلىم مەن جۇمىستان باستاپ دەنساۋلىق ساقتاۋ مەن ويىن-ساۋىققا دەيىن كۇندەلىكتى ومىرگە تولىعىمەن بىرىكتىرىلگەن داۋىردە ءومىر سۇرەدى، - دەدى ماككريندل.

ونىڭ بولجامىنا سايكەس، 2035 -جىلعا قاراي «بەتا ۇرپاق» بۇكىل الەم حالقىنىڭ %16 ىنا دەيىنگى بولىگىن قۇرايدى.

Kazinform ءۇشىن ارنايى تاسس سەرىكتەس اگەنتتىگى ۇسىنعان.