كەلەستە قىرىققابات ءپىستى

تۇركىستان. KAZINFORM - ەلىمىزدىڭ وزگە ايماقتارىندا قىس كۇشىنە ءمىنىپ تۇرسا، كەلەستىك شارۋالار قىرىققاباتتىڭ العاشقى ءونىمىن جيناۋعا كىرىستى.

Келес ауданы әкімдігі
فوتو: كەلەس اۋدانى اكىمدىگى

بىرتىلەك اۋىلدىق وكرۋگىنە قاراستى جولباسشى اۋىلىنىڭ تۇرعىنى شەرالى تاجىبايەۆ 2 گەكتار اۋماققا قىرىققابات ەككەن بولاتىن. وتكەن جىلى قارا كۇزدە ەگىلگەن كوكونىس قازىر ءپىسىپ-جەتىلگەن.

Келес ауданы әкімдігі
فوتو: كەلەس اۋدانى اكىمدىگى

بۇگىندە شارۋا 38 توننا ءونىم جينادى. ال، اقپان ايىندا تاعى 100 توننا ءونىم الۋدى جوسپارلاپ وتىر. جينالعان قىرىققاباتتاردىڭ العاشقى لەگى استانا، الماتى قالالارىنا ساتىلىمعا جىبەرىلىپ جاتىر.

- بيىل قار از ءتۇستى. قىس سۋىق بولا قويعان جوق. جەڭىل جامىلعىنىڭ استىنا ەگىلگەن كوكونىس كوشەتى تەز تامىر بايلادى. جينالىپ جاتقان قىرىققاباتتىڭ ءارقايسىسىنىڭ سالماعى 4 كەلىگە دەيىن بارادى. قىرىققاباتتى ەرتەرەك ەكسەك باعاعا دا اسەر ەتەدى. قانشا ەرتە شىقسا، سونشا قىمبات بولادى، - دەيدى شەرالى تاجىبايەۆ.

Келес ауданы әкімдігі
فوتو: كەلەس اۋدانى اكىمدىگى

جىل ون ەكى اي بويى تىنىم تاپپايتىن كەلەستىك ديقانداردىڭ دەنى قازىر قىرىققابات ەگىپ جاتىر. وڭىردەگى شارۋاشىلىقتار مىڭ گەكتاردان استام جەرگە قىرىققابات وسىرمەك. ياعني، ءبىر ماۋسىمدا ەگىستىكتەن ءۇش رەت ءونىم جيناۋدى جوسپارلاپ وتىر. بۇل اگرارلىق سالا ءۇشىن دە، شارۋاعا دا ءتيىمدى.

ايتا كەتەيىك، وتكەن جىلى كەلەس اۋدانى بويىنشا 2400 گەكتارعا قىرىققابات ءونىمى ەگىلىپ، شارۋالار 35 مىڭ توننا ءونىم العان بولاتىن.

ەسكە سالا كەتەيىك، بۇدان بۇرىن قىستىڭ قاقاعان سۋىعىندا كەنتاۋدا قۇلپىناي پىسكەنىن جازعان بولاتىنبىز.

سوڭعى جاڭالىقتار