كەلەر جىلى شەتەلدەن كەلەتىن دارىلەردىڭ باعاسى تومەندەۋى مۇمكىن

استانا. KAZINFORM - ءدارى-دارمەك باعاسىنىڭ نەگىسسىز وسۋىنە جول بەرەتىن شىعىندار انىقتالدى. بۇگىن ۇكىمەت وتىرىسىندا پرەمەر-مينيستر ولجاس بەكتەنوۆ ءدارى-دارمەك باعاسىنىڭ نەزىسسىز وسۋىنە جول بەرمەۋ ءۇشىن قانداي شارالار قابالدانعانىن سۇرادى. 

ءوز كەزەگىندە ا. ءالنازاروۆا بۇل باعىتتا ءتيىستى جۇمىستار اتقارىلىپ جاتقانىن ايتتى.

«باعانى رەتتەيتىن نورماتيۆتىك اكتىلەر بار. دەنساۋلىق ساقتاۋ مينيسترلىگىنىڭ بۇيرىقتارى ساراپتالىپ، قايتا قارالىپ جاتىر. ونىڭ ىشىندە ءدارى-دارمەك باعاسىنىڭ نەگىسسىز وسۋىنە جول بەرەتىن شىعىندار انىقتالدى. بۇل تۇرعىدا ماركەتينگتىك شىعىندار 30 پايىزعا دەيىن، تاعى 15 پايىزى لوگيستيكاعا قاراستىرىلعان. وسىنىڭ بارلىعىنا وپتيميزيتسيا جاساۋ ەسكەرىلگەن. قازىر ءتيىستى بۇيىرىق جاۋاپتى مەملەكەتتىك ورگاندارمەن كەلىسىلىپ جاتىر، جىل اياعىنا دەيىن وعان قول قويىلادى دەپ ەسكەرىلگەن»، - دەدى دەنساۋلىق ساقتاۋ ءمينيسترى.

سونىمەن قاتار ول 20-تامىزدا دجەنەريك پەن ءتۇپنۇسقا ءدارى-دارمەك اراسىنداعى باعا ايىرماشىلىعىنا قاتىستى ءتيىستى ءتارتىپ ەنگىزىلگەنىن، ياعني دجەنەريك ەلەۋلى تۇردە ارزان بولۋى ءتيىس ەكەنىن ايتتى.

بۇدان بولەك، شەتەلدەن كەلەتىن دارىلىك زاتتارعا قاتىستى يمپورتتىڭ باعاسىن رەتتەۋ ماقساتىندا دەنساۋلىق ساقتاۋ مينيسترلىگىنىڭ اقپاراتتىڭ جۇيەسىن قارجى مينيسترلىگى مەملەكەتتىك كىرىستەر ورگانىنداعى «كەدەن» باعدارلاماسىمەن ينتەگراتسيا جۇمىستارى باستالعان.

«كەلەر جىلدىڭ باسىندا وسى ينتەگراتسيانى تولىقتاي اياقتاساق، يمپورتتىق ءونىمنىڭ ەلىمىزگە ناقتى قاي باعامەن كىرىپ جاتقانىن كورە وتىرىپ، باعا قالىپتاستىرۋ جاعدايىنا وڭ اسەرىن تيگىزەدى»، - دەدى ۆەدومستۆو باسشىسى.

بۇدان بۇرىن حابارلانعانداي، پرەمەر-مينيستر دەنساۋلىق ساقتاۋ مينيسترلىگى جۇمىس ءتاسىلىن وزگەرتىپ، وتاندىق وندىرۋشىلەرمەن جانە شەتەلدىك ينۆەستورلارمەن ءوزارا بايلانىستاردى جانداندىرۋى كەرەك ەكەنىن تاپسىردى.

اۆتور
رۋسلان عابباسوۆ