كەلەشەكتە الماتىنىڭ كەيبىر اۋداندارىندا كولىك قوزعالىسى شەكتەلۋى مۇمكىن

استانا. KAZINFORM - پرەمەر-مينيستر ولجاس بەكتەنوۆ ءماجىلىس دەپۋتاتتارىنىڭ ساۋالىنا جولداعان جاۋاپتا الماتى قالاسىنىڭ ەكولوگيالىق جاعدايىن جاقسارتۋ شارالارى تۋرالى مالىمەت ۇسىندى.

- ساراپشىلاردان قۇرالعان جۇمىس توبى ەكولوگيا كودەكسىن باسشىلىققا الا وتىرىپ، ەرەجەلەر جوباسىن ازىرلەدى. ول قۇجاتتار وزگە ورگانداردىڭ ماقۇلداۋىنا جىبەرىلدى. اتالعان ەرەجەلەردە III جانە IV ساناتتاعى قورشاعان ورتاعا شىعارىندى تاستايتىن نىساندارعا ارنايى ەكولوگيالىق تالاپ جۇكتەۋ كوزدەلگەن. سونداي-اق، جەر ءۇي يەلەرىنىڭ تابيعات جالپى تابيعات پايدالانۋ ماسەلەلەرىن رەتتەۋ، شىعارىندىلار تومەن ايماقتاردى ەنگىزىپ، ولاردا اۆتوموبيل كولىگىنىڭ قوزعالىسىن شەكتەۋ، سياقتى اۋاعا تاستالاتىن شىعارىندىلاردى ازايتۋ شارالارى قاراستىرىلعان، - دەپ جازادى ۇكىمەت باسشىسى.

اتالعان نورمالاردى ىسكە اسىرۋ ءۇشىن قورشاعان ورتانى لاستاۋشى ستاتسيونارلىق جانە جىلجىمالى كوزدەر تاستايتىن شىعارىندىلاردى رەتتەۋدىڭ جول كارتاسى ازىرلەنەدى.

بۇعان دەيىن الماتىدا بۇزىلاتىن التى بازاردىڭ ورنىنا نە سالىناتىنى ايتىلعان ەدى.

اۆتور

ەسىمجان ناقتىباي