كەشكى استى تىم كەش ءىشۋ ينسۋلت الۋ قاۋپىن ارتتىرادى

ەندوكرينولوگ زۋحرا پاۆلوۆا كەش تاماقتانۋدى ينسۋلت قاۋپىن ەداۋىر ارتتىراتىن فاكتور دەپ اتادى. بۇل دەرەكتى عالىمدار دا راستادى، - دەپ حابارلايدى Doctorpiter.

مامانداردىڭ ايتۋىنشا، كەشكى استى ساعات 21:00 كەيىن ءىشۋ جۇرەك-قانتامىر جۇيەسىنە كەرى اسەر ەتۋى مۇمكىن.

ال عالىمدار جۇرگىزگەن زەرتتەۋ ناتيجەلەرىنە سايكەس، اسقازاننىڭ اس قورىتۋ جۇمىسى قانداعى قانت دەڭگەيى مەن قان قىسىمىن جوعارىلادى.

«كەشكى استى كەش ءىشۋ تامىرلارعا كەرى اسەر ەتىپ، قاننىڭ ۇيۋ قاۋپىن ارتتىرادى. بۇل ينسۋلت پەن ينفاركتكە اكەپ سوقتىرادى. الەم بويىنشا ادام ءولىمىنىڭ ەڭ كوپ كەزدەسەتىن سەبەبى، بۇل - جۇرەك-قان تامىر اۋرۋلارى، سوندىقتان كەش تاماقتانۋدىڭ سالدارى قايعىلى بولۋى مۇمكىن»، - دەيدى ەندوكرينولوگ.

بۇل بولجامدى عالىمدار دا راستاي الادى. ولار 103 مىڭنان استام ادامعا زەرتتەۋ جۇمىستارىن جۇرگىزىپ، كەشكى 21:00 دە جانە ودان كەيىن كەشكى اس ىشۋگە داعدىلانعان ادامداردا ينسۋلت قاۋپى 20:00 گە دەيىن جەگەندەرگە قاراعاندا 28 پايىزعا جوعارى ەكەنىن انىقتاعان.

ايتپاقشى، تاڭعى استى كەشىكتىرىپ ءىشۋ نە مۇلدە ىشپەۋ دە زيان. ويتكەنى تاڭعى استى كەشىكتىرگەن ءار ساعاتتا جۇرەك-قان تامىرلارى اۋرۋلارىنا شالدىعۋ قاۋپى التى پايىزعا ارتادى. سوندىقتان، تاڭعى جانە كەشكى استى ۋاقىتىلى ىشكەن ابزال.