كەدەي ەلدەردىڭ قارىزى كوبەيدى

 دۇنيەجۇزىلىك بانك مالىمەتى بويىنشا، الەمدەگى ەڭ كەدەي 26 ەلدىڭ قارىزى كەيىنگى 18 جىلداعى ەڭ جوعارى دەڭگەيگە جەتكەن. بۇل ەلدەردىڭ جىلدىق تابىسى جان باسىنا 1145 دوللاردان از.

 بۇل ءبىزدىڭ تەڭگەگە شاققاندا 500 مىڭداي. سوندا ايىنا ايلىق كولەمى 40 مىڭ بولادى. ادەتتە قوعامداعى كەدەي ادامدار ساناتىنا كۇنىنە 1000 تەڭگەدەن ارتىق جۇمساي المايتىن وتباسىلار جاتادى. ب ۇ ۇ باعالاۋى بويىنشا، الەمدە وسىنداي 700 ميلليون ادام بار. اسىرەسە وڭتۇستىك سۋدان، ورتالىق افريكا مەملەكەتى، سومالي، يەمەن، اۋعانستاندا جاعداي قيىن. ب ۇ ۇ وكىلدەرى اسىرەسە اۋعانستانداعى احۋالعا الاڭداپ وتىر. مۇندا 8 -جىل ىشىندە كەدەيلەر سانى شامامەن 5,5 ميلليون ادامعا كوبەيگەن. ءسويتىپ 35 ميلليون حالىقتىڭ ۇشتەن ەكىسى كەدەيدىڭ كەبىن كيۋگە ءماجبۇر. وڭتۇستىك سۋدان - %98 سومالي - %98 ورتالىق افريكا مەملەكەتى - %93 يەمەن - %81 اۋعانستان -%85

 انتونيۋ گۋتەرريش، ب ۇ ۇ باس حاتشىسى:

- جىل وتكەن سايىن، كليماتتىق جۇيەنىڭ بۇزىلۋىن بايقاپ كەلەمىز. جاھاندىق جىلىنۋ تەڭىزدەگى سۋ دەڭگەيىنىڭ جوعارىلاۋىنا اكەلىپ، تابيعي اپاتتار كۇشەيدى. ينفراقۇرىلىم بۇزىلدى. ادامدار بارىنان ايىرىلدى. بۇل وقيعالار ەكونوميكا مەن حالىقتىڭ ءال اۋقاتىنا تىكەلەي اسەر ەتەتىن فاكتورلار.

 24.kz