كاتونقاراعايدا بوي كوتەرەتىن اۋەجايدى قاي كومپانيا سالادى
وسكەمەن. KAZINFORM - شىعىس قازاقستان وبلىسىنداعى كاتونقاراعاي مەن زايسان اۋداندارىندا بوي كوتەرەتىن اۋەجايلاردى قاي كومپانيا سالاتىندىعى بەلگىلى بولدى.

شىعىس قازاقستان وبلىسىندا ەكى اۋەجايدىڭ قۇرىلىسىن باستاۋعا دايىندىق ءجۇرىپ جاتىر. اۋەجايلار زايسان مەن كاتونقاراعاي اۋداندارىندا بوي كوتەرمەك. بۇل تۋرالى ش ق و جولاۋشى كولىگى جانە اۆتوموبيل جولدارى باسقارماسىنان ءمالىم ەتتى.
- جوبالاۋ مەن قۇرىلىس جۇمىستارىن «قازاەروناۆيگاتسيا» رەسپۋبليكالىق مەملەكەتتىك كاسىپورنى جۇرگىزەدى. ول 2026 -جىلعا دەيىن اۋەجايلاردى سالىپ ءبىتۋى ءتيىس. باستاپقى كەزەڭدە Q400 ،ATR 42/72 ،CRJ200 ۇشاقتارى ءۇشىن ۇزىندىعى 2200 مەتر جانە ەنى 35 مەترلىك جاساندى ۇشۋ-قونۋ جولاقتارىن سالۋ قاراستىرىلعان، - دەيدى باسقارما باسشىسى نۇرجان ءجۇمادىلوۆ.
تۋريستەر اعىنى كوبەيسە، ۇشۋ-قونۋ جولاعىن 45 مەترگە دەيىن، ال ۇزىندىعىن 2600 مەترگە دەيىن ۇلعايتۋ جوسپارلانىپ وتىر. بۇل Airbus A320 ،Boeing 737 سياقتى كەڭ فيۋزەلياجدى ۇشاقتاردى قابىلداۋعا مۇمكىندىك بەرمەك.
ەسكە سالساق، بۇعان دەيىن پرەزيدەنت ۇكىمەتكە استانا اۋەجايىنداعى اۆياكەروسيننىڭ باعاسىن رەتتەۋدى تاپسىرعانى حابارلانعان.