كاسپيدەگى تراگەديا: اسكەري-تەڭىز كۇشتەرىنىڭ بۇرىنعى باس قولباسشىسى ۇستالدى

«سوت سانكسياسىمەن ول قاماۋعا الىندى. سوتالدى تەرگەپ-تەكسەرۋ جالعاسىپ جاتىر»، - دەپ جازىلعان حابارلامادا.

ايتا كەتەيىك، ا ت ك باس قولباسشىسى لاۋازىمىن قانات نيازبەكوۆ اتقارعان بولاتىن.

ماڭعىستاۋداعى تراگەديا

24-قىركۇيەكتە قازاقستان رەسپۋبليكاسى قارۋلى كۇشتەرى اسكەري-تەڭىز كۇشتەرىنىڭ وقۋ-جاتتىعۋى كەزىندە كاسپي تەڭىزى جاعالاۋىندا وقۋ-جاۋىنگەرلىك مىندەتتەردى ورىنداۋ بارىسىندا اۋا رايى كۇرت ناشارلاۋى جانە جەل كۇشەيۋىنە بايلانىستى 17 ادام سۋعا كەتكەن. ونىڭ ىشىندە 14 اسكەري قىزمەتشى قازا تاپتى، ءۇش اسكەري قىزمەتشى قۇتقارىلدى.

باس پروكۋراتۋرا مالىمەتىنشە، اقتاۋ گارنيزونىندا وقۋ-جاتتىعۋ بارىسىندا اسكەري قىزمەتشىلەر قازا تابۋىنا بايلانىستى قىلمىستىق ءىس تەرگەلىپ جاتىر. تەرگەۋ بارىسى ەرەكشە باقىلاۋعا الىنعان.

پرەمەر-ءمينيستردىڭ وكىمىمەن ماڭعىستاۋ وبلىسىندا اسكەري وقۋ-جاتتىعۋلار وتكىزۋ بارىسىندا كوز جۇمعان اسكەري قىزمەتشىلەردىڭ قازاسىن تەرگەپ-تەكسەرۋ بويىنشا ۇكىمەتتىك كوميسسيا قۇرىلدى.

مەملەكەت باسشىسى ماڭعىستاۋ وبلىسىندا اسكەري قىزمەتشىلەر قازا تابۋىنا بايلانىستى كوڭىل ايتتى. قاسىم-جومارت توقايەۆ ۇكىمەتتىك كوميسسياعا وقيعانىڭ ءمان-جايىن انىقتاۋ ءۇشىن قاجەت شارالار قابىلداۋدى جانە قايتىس بولعان جانداردىڭ وتباسىنا كومەكتەسۋدى تاپسىردى.

مەملەكەت باسشىسىنىڭ وكىمىمەن ماڭعىستاۋ وبلىسىندا قىزمەتتىك مىندەتىن اتقارۋ كەزىندە اسكەري قىزمەتشىلەر قازاعا ۇشىراۋىنا بايلانىستى قازاقستان رەسپۋبليكاسىندا 25-قىركۇيەكتە جالپىۇلتتىق ازا تۇتۋ جاريالاندى.

تەرگەۋ بارىسى

ىشكى ىستەر ءمينيسترىنىڭ ورىنباسارى سانجار ءادىلوۆتىڭ ايتۋىنشا، ق ر قىلمىستىق كودەكسىنىڭ 453-بابى 2-بولىگى («اۋىر زارداپتارعا اكەپ سوققان قىزمەتكە سالعىرت قاراۋ») جانە 465-بابى («كەمە جۇرگىزۋ قاعيدالارىن بۇزۋ») بويىنشا قىلمىستىق ىستەر قوزعالعان (سوتالدى تەرگەۋ باستالعان – ە س ك.).

سونىمەن قاتار، ماڭعىستاۋداعى اسكەري قىزمەتشىلەردىڭ قازاسىنا قاتىستى ءىس بويىنشا قورعانىس مينيسترلىگى جۇيەسىنەن بەس لاۋازىمدى تۇلعا ۇستالدى. ولاردىڭ بارلىعى كۇدىكتى دەپ تانىلىپ، اقتاۋ قالاسى پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى.