كاسىپقوي بوكس: «قازاق جاۋىنگەرى» ازيا چەمپيونى اتاندى
استانا. KAZINFORM - كاسىپقوي بوكستا «قازاق جاۋىنگەرى» لاقاپ اتىمەن ونەر كورسەتىپ جۇرگەن قازاقستاندىق كاسىپقوي بوكسشى ەلشات نىعمەتوللا (20-0-1، 7 ك و) كەزەكتى جەكپە-جەگىندە جەڭىسكە جەتتى.

قازاقستاندىق بوكسشى تايلاند استاناسى بانگكوك قالاسىندا وتكەن كاسىپقوي بوكس كەشىندە شارشى الاڭعا شىعىپ، يندونەزيالىق فلاسيدۋس نۋنونى (10-1-2، 8 ك و) نوكاۋتقا جىبەرىپ، اسا جەڭىل سالماقتاعى WBA Asia تيتۋلىن جەڭىپ الدى.
ايتا كەتەرلىگى، ەلشات نىعمەتوللا كاسىپقوي بوكستا 2019 -جىلدان باستاپ قازاقستاننىڭ نامىسىن قوعاپ ءجۇر. سۋپەر جەڭىل سالماقتا الەمدىك رەيتينگىدە 37-ورىندا تۇر.
31 جاستاعى سپورتشى 2014 -جىلى كاسىپقوي بوكسقا اۋىسىپ، 2016 -جىلى WBO تۇجىرىمى بويىنشا قىتاي چەمپيونى، 2018 -جىلى WBC تۇجىرىمى بويىنشا ازيا چەمپيونى اتانعان بولاتىن.
ەسكە سالساق، «قازاق جاۋىنگەرى» وتكەن جىلى 21-قىركۇيەكتە الماتىدا وتەتىن كاسىپقوي بوكس كەشىندە تانزانيالىق بوكسشى مۋحسين كيزوتانى (20-5-0، 12 ك و) ءۇشىنشى راۋندتا نوكاۋتقا جىبەردى.
اۆتور
مۇحتار قاليموللا ۇلى