كاسپيدەگى «قاشاعان» كەنىشىنەن وندىرىلگەن مۇناي 100 ميلليون تونناعا جەتتى

кен орны
Фото: NCOC компаниясы

كاسپي تەڭىزىنىڭ قازاقستاندىق سەكتورىنداعى ءىرى كەنىش - «قاشاعاننان» 100 ميلليون توننا مۇناي وندىرىلگەن، دەپ حابارلايدى Kazinform.

بۇل تۋرالى سولتۇستىك كاسپي جوباسىنىڭ وپەراتورى — NCOC كومپانياسىنىڭ باسقارۋشى ديرەكتورى وليۆە لازار ءمالىم ەتتى.

«بۇگىنگى ايرىقشا بەلەسكە ەڭ الدىمەن قاۋىپسىزدىككە، ودان كەيىن ونىمدىلىككە باسىمدىق بەرەتىن NCOC كومپانياسىنىڭ قىزمەتكەرلەرى مەن مەردىگەرلەرىنىڭ ەرەكشە ادالدىعى جانە تاجىريبەسىنىڭ ارقاسىندا قول جەتكىزدىك. ءبىز اكتسيونەرلەرگە، رەسپۋبليكالىق جانە ايماقتىق مەملەكەتتىك ورگاندارعا قولداۋلارى ءۇشىن العىسىمىزدى بىلدىرگىمىز كەلەدى. بۇل جەتىستىك - كوماندالىق جۇمىستىڭ، كاسىپقويلىقتىڭ جانە بارلىق قاتىسۋشىنىڭ قوسقان ۇلەسىنىڭ دالەلى»، - دەپ حابارلادى وليۆە لازار.

«قاشاعان» كەن ورنىن ونەركاسىپتىك يگەرۋ 2016-جىلى باستالعان. بۇل - سوڭعى 40 جىلدا اشىلعان ەڭ ءىرى مۇناي كەن ورىندارىنىڭ ءبىرى. ونىڭ وندىرىلەتىن قورى شامامەن 9-13 ميلليارد باررەل (1-2 ميلليارد توننا) مۇنايدى قۇرايدى. مۇناي تەڭىز تابانىنداعى 4200 مەتر تەرەڭدىكتەن وندىرىلەدى. كەن ورنىن يگەرۋ جوباسىنىڭ 1- كەزەڭىنە شامامەن 55 ميلليارد ا ق ش دوللارى كولەمىندە ينۆەستيتسيا سالىنعان.

ەسكە سالا كەتەلىك، بۇدان بۇرىن كاسپي قۇبىر كونسورتسيۋمى قازاقستاننان 56 ميلليون توننا مۇناي تاسىمالداعانىن جازعان بولاتىنبىز.

سوڭعى جاڭالىقتار