كاسپي تەڭىزىنىڭ سولتۇستىك بولىگىندە يتبالىق كۇشىكتەپ جاتىر

итбалық
Фото: Балық шаруашылығы комитеті

اتىراۋ. KAZINFORM -كاسپي تەڭىزىنىڭ قازاقستاندىق سەكتورىنا جاتاتىن سولتۇستىك بولىگىندەگى مۇزدىڭ قالىڭدىعى - 16 س م. تەڭىزدىڭ قۇلالى جانە قالامقاس ارالىندا يتبالىقتىڭ كۇشىكتەگەنى انىقتالدى.

بالىق شارۋاشىلىعى كوميتەتى باسپا ءسوز قىزمەتىنىڭ اقپاراتىنا سۇيەنسەك، كاسپي يتبالىعى - بەس ەلگە ورتاق تەڭىز فاۋناسىنداعى سۇتقورەكتىلەردىڭ جالعىز ءتۇرى. يتبالىق بالىقتى، ونىڭ ىشىندە مايشاباقتى، بۇزاۋباس، اتەرينا، سونداي- اق مولليۋسكا مەن اسشايانىن قورەك ەتەدى.

«كاسپي يتبالىعى تەڭىزدىڭ سولتۇستىك اكۆاتورياسىن جانە ورتالىق جاعالاۋىن مەكەندەيدى. ماۋسىمدىق ميگراتسيا كەزىندە تەڭىزدىڭ تۇركىمەنستانمەن شەكاراسىنان قازاقستانداعى جاعالاۋدى قوسا العاندا جايىق وزەنىنىڭ ساعاسىنا دەيىنگى اۋماققا ءجۇزىپ شىعادى. يتالبىقتىڭ وڭتۇستىك جانە ورتا تەڭىزدەن سولتۇستىك بولىككە ميگراتسياسى قاراشا ايىندا اياقتالادى. ونى كاسپيدىڭ سولتۇستىك- شىعىسىنان دا كەزدەستىرۋگە بولادى. جەلتوقساننىڭ سوڭىنا دەيىن تەڭىزدىڭ كومسومولەتس شىعاناعىنان جايىق وزەنىنىڭ اتىرابىنا دەيىنگى سولتۇستىك- شىعىس بولىگىنىڭ تاياز اۋماعىن مەكەندەيدى. بۇل اۋماق يتبالىقتىڭ ميگراتسياسىنا، قورەكتەنۋى مەن دەمالۋىنا قولايلى»، - دەپ حابارلادى كوميتەتتىڭ باسپا ءسوز قىزمەتى.

قىس ماۋسىمىندا يتبالىق سولتۇستىك كاسپييدىڭ باتىس جانە شىعىس بولىگىن، ورتالىق اكۆاتورياسىن مەكەن ەتەدى. قاڭتار-ناۋرىز ايلارىندا يتبالىقتىڭ كوبەيۋى، قورەكتەنۋى، جۇپتاسۋى مەن تۇلەۋى سولتۇستىك كاسپيدىڭ مۇز قاتقان بولىگى مەن ارالدارىندا وتەدى. انالىق داراقتار كۇشىكتەۋ جانە كۇشىكتەردى قورەكتەندىرۋ ءۇشىن مۇزعا كەلەدى. انالىق داراق ءبىر كۇشىكتى، سيرەك جاعدايدا ەكەۋىن دۇنيەگە اكەلەدى. يتبالىقتىڭ كۇشىكتەۋى قاڭتاردىڭ ەكىنشى جارتىسىندا باستالعان.

«تەڭىزدەگى مۇز 2023 -جىلعى جەلتوقساننىڭ ەكىنشى ونكۇندىگىنەن قاتا باستادى. «قازگيدرومەت» ر م ك- نىڭ تەڭىزدەگى ستانتسيالارى مەن بەكەتتەرىنىڭ عارىشتىق سۋرەتتەرىنە، جەدەل دەرەكتەرىنە سايكەس، كاسپيدىڭ سولتۇستىك جاعالاۋىندا مۇز قالىڭدىعى 16 س م- گە دەيىن جەتكەن. مۇزدىڭ بۇل قالىڭدىعى كاسپي يتبالىقتارىنىڭ كوبەيۋىنە قولايلى احۋال قالىپتاستىردى. جايىق- كاسپي وبلىسارالىق باسسەيندىك بالىق شارۋاشىلىعى ينسپەكتسياسىنىڭ قىزمەتكەرلەرى 26-قاڭتاردان بەرى كاسپي يتبالىعىنى مونيتورينگ جۇرگىزدى. اقپاننىڭ 7-كۇنگى جاعداي بويىنشا قۇلالى، قالامقاس ارالىندا يتبالىقتاردىڭ كۇشىكتەرى انىقتالدى. تەڭىز جانۋارىنىڭ اراسىنان اۋرۋ، نە ءالسىزى كەزدەسكەن جوق. يتبالىقتاردىڭ جاپپاي كۇشىكتەۋى 10-25 اقپان ارالىعىندا وتەدى»، - دەپ ءمالىم ەتتى كوميتەتتىڭ باسپا ءسوز قىزمەتىنەن.

ەسكە سالا كەتەلىك، بۇدان بۇرىن سولتۇستىك كاسپيدە مۇز قالىڭدىعى بىركەلكى بولماۋىنان كۇشىكتەرىنە قاۋىپ ءتونىپ تۇرعانىن جازعان ەدىك.

سوڭعى جاڭالىقتار