كاسپي تۇبىندە مۇناي قۇبىرىن سالۋ مۇمكىندىگى زەرتتەلەدى - مينيسترلىك
استانا. KAZINFORM - كاسپي تۇبىندە مۇناي قۇبىرىن سالۋ مۇمكىندىگى زەرتتەلەدى. بۇل تۋرالى ەنەرگەتيكا مينيسترلىگىنەن ءمالىم ەتتى.
ۆەدومستۆو مالىمەتىنشە، ورتا مەرزىمدى پەرسپەكتيۆادا اتىراۋدان قۇرىققا دەيىن مۇناي قۇبىرىن سالۋ مۇمكىندىگى قاراستىرىلىپ جاتىر.
سونداي-اق ترانسكاسپي تەڭىز مۇنايىن تاسىمالداۋدى جىلىنا 7 ميلليون تونناعا دەيىن ۇلعايتۋعا مۇمكىندىك بار.
بۇل اقتاۋ پورتىنىڭ قولدانىستاعى قۋاتىنا سايكەس كەلەدى.
«قاۋىپسىز تاسىمالداۋدى قامتاماسىز ەتۋ ءۇشىن 12 مىڭ توننالىق 10 عا جۋىق جاڭا دەدۆەيت تانكەرى قاجەت بولادى. سونداي-اق، كاسپي تۇبىندە مۇناي قۇبىرىن سالۋ مۇمكىندىگى زەرتتەلەدى. قازاقستاندىق مۇنايدى ەكسپورتتىق باعىتتارعا جەتكىزۋ شارۋاشىلىق جۇرگىزۋشى سۋبەكتىلەردىڭ ەكونوميكالىق ورىندىلىعى مەن ۋاعدالاستىقتارىنا بايلانىستى بولادى»، - دەپ اتاپ وتەدى مينيسترلىكتەن.
