كارىم ماسىموۆتىڭ سارايىنان نە ساتىلىپ جاتىر؟
استانا. KAZINFORM – سوتتالعان بۇرىنعى ۇ ق ك ءتوراعاسى كارىم ماسىموۆتىڭ ۇيىنەن ليۋكس قالامدار، قىلىشتار مەن قانجارلار ساتىلىمعا شىعارىلدى.
قايتارىلعان اكتيۆتەردى باسقارۋ كومپانياسى بۇرىنعى ۇ ق ك باسشىسى كارىم ماسىموۆتىڭ ۇيىنەن تاركىلەنگەن 11 زاتتى ساتۋعا شىعاردى.
ولاردىڭ اراسىندا كوللەكتسيالىق قالامدار، تيىندار، قىلىشتار، قانجارلار، بالتالار، بەلبەۋ بار. اكتيۆتەردىڭ جالپى قۇنى 3,5 ميلليون تەڭگەدەن اسادى. اۋكسيون 7-قازاندا ساعات 12.00 دە وتەدى.
اۋكسيونعا ەكى قالام شىعارىلدى:
Montegrappa Italia دەگەن جازۋى بار قالام 925-كۇمىستەن جاسالعان. ونىڭ باستاپقى باعاسى - 440 مىڭ تەڭگە.
قۇران سۇرەلەرىمەن بەزەندىرىلگەن Visconti Firenze قالامى. قۇنى 402 مىڭ تەڭگەدەن باستالادى.
تىزىمدە كادەسىي رەتىندەگى مونەتالار دا بار:
«التىن ادام» (500 تەڭگە، 2011-جىل) 155 مىڭ تەڭگەدەن باستالادى؛
«الما وتانى»، «استانا»، «بايتەرەك»، «قازاقستان كارتاسى» 199 مىڭ تەڭگەدەن باستالادى؛
«شىعىس كۇنتىزبەسى» جانە «قازاقستان فاۋناسى» مونەتالارى 107 مىڭ تەڭگەدەن باستالادى؛
ەكى كوللەكتسيالىق مونەتا (2003-جىل) - 82999 تەڭگە.
سونىمەن قاتار، 183750 تەڭگەگە باعالانعان بىلعارى بەلدىك ساتىلىمعا قويىلدى.
قىلىشتار ەرەكشە قىزىعۋشىلىق تۋدىرادى، ءبىرىنىڭ باعاسى 930 مىڭ تەڭگەدەن، ەندى ءبىرىنىڭ باعاسى 837 مىڭ تەڭگەدەن باستالادى.
ەڭ تومەنگى باعا «ايبالتا» بالتالارىنا قويىلعان، 38400 تەڭگەگە باعالانعان.
Massaget.kz
