كاراۆادجونىڭ سوڭعى كارتيناسى 20 جىلدان كەيىن العاش رەت كورمەگە قويىلادى

استانا. KAZINFORM - باروككو ونەرىنىڭ نەگىزىن سالۋشىلاردىڭ ءبىرى سانالاتىن يتالياندىق شەبەر كاراۆادجونىڭ سوڭعى سۋرەتى لوندوندا 20 جىلدان كەيىن العاش رەت كورمەگە قويىلادى، دەپ حابارلايدى Euronews.

ۇلتتىق گالەرەيانىڭ «سوڭعى كاراۆادجو» اتتى جاڭا ەكسپوزيتسياسى سوڭعى جۇمىسىن سالعان كەزدە كىسى ءولتىردى دەپ ايىپتالىپ، قاشىپ جۇرگەن سۋرەتشىنىڭ شىعارماشىلىعىن ۇسىنادى.

كاراۆادجونىڭ سوڭعى جۇمىسى — «اۋليە ۋرسۋلانىڭ ازابى» 1610 -جىلى سالىنعان.

سول جىلى سۋرەتشى كىسى ءولتىردى دەپ ايىپتالىپ، سوسىن پاپانىڭ كەشىرىمىنەن كەيىن ريمگە قايتىپ كەلە جاتىپ قايتىس بولادى.

جۇزدەگەن جىلدار بويى بۇل كارتينا كاراۆادجو ءىزباسارلارىنىڭ ءبىرىنىڭ تۋىندىسى دەپ ەسەپتەلىپ كەلدى.

ءبىراق ونىڭ شىنايى شىعۋ تەگى 1980 -جىلدارى بەلگىلى بولدى.

«سوڭعى كاراۆادجو» كورمەسى 18 ءساۋىر بەن 21 شىلدە ارالىعىندا لوندون ۇلتتىق گالەرەياسىندا وتەدى. كورمەگە كىرۋ تەگىن.

تەگتەر:
مادەنيەت
ونەر
الەم جاڭالىقتارى
الەم
ەۋروپا
زارينا تۋعانبايەۆا
اۆتور
زارينا تۋعانبايەۆا