كانۆون-2024: قازاقستان جالپى مەدالدار كەستەسىندە قاي ورىندا

Фото: Нұрғали Жұмағазы
Фото: Нұрғали Жұмағазы

استانا. KAZINFORM - وڭتۇستىك كورەيانىڭ كانۆون قالاسىندا ءوتىپ جاتقان جاس وسپىرىمدەر وليمپياداسىنىڭ جەتىنشى جارىس كۇنىندە قازاقستان قۇراماسى جالپى مەدالدار كەستەسىندە 15-ورىنىن ساقتاپ قالدى.

قازاقستاننىڭ حوككەيشىلەرى كەشە ەل قورجىنىنا ءۇشىنشى مەدالدى سالعان بولاتىن. جەرلەستەرىمىز قولا مەدال ءۇشىن ماتچتا اۋستريا قۇراماسىن 6:5 ەسەبىمەن جەڭىپ، جۇلدەگەرلەر قاتارىنان كورىندى.

وسى جەڭىستەن كەيىن قازاقستان قۇراماسى جالپىكوماندالىق ەسەپتە ءبىر ساتى جوعارلادى.

جالپى ەسەپتە يتاليا ءالى كوش باستاپ كەلەدى. ولاردىڭ قورجىنىندا قازىرگى ۋاقىتتا 9 التىن، 2 كۇمىس، 3 قولا مەدال بار. ال ەكىنشى ورىندا تۇرعان فرانسيالىقتاردى گەرمانيا قۇراماسى 3-ورىنعا سىرعىتتى. نەمىس سپورتشىلارى 7 التىن، 3 كۇمىس، 3 قولا مەدالمەن جالپى ەسەپتە ەكىنشى ورىنعا كوتەرىلدى. فرانسيا قۇراماسى 6 التىن، 3 كۇمىس، 4 قولا مەدالمەن ۇزدىك ۇشتىكتى تۇيىندەپ تۇر.

مەدالدار كەستەسىندەگى العاشقى وندىققا ەنگەن ەلدەر:

  1. يتاليا - 9 التىن، 2 كۇمىس، 3 قولا (14)
  2. گەرمانيا - 7 التىن، 3 كۇمىس، 3 قولا (13)
  3. فرانسيا - 6 التىن، 3 كۇمىس، 4 قولا (13)
  4. قىتاي - 5 التىن، 8 كۇمىس، 3 قولا (16)
  5. اۆستريا - 4 التىن، 6 كۇمىس، 5 قولا (15)
  6. وڭتۇستىك كورەيا - 3 التىن، 5 كۇمىس، 4 قولا (12)
  7. ا ق ش - 3 التىن، 4 كۇمىس، 1 قولا (8)
  8. نيدەرلاندى - 3 التىن، 1 كۇمىس، 1 قولا (5)
  9. ۇلى بريتانيا - 3 التىن 1 كۇمىس (4)
  10. شۆەتسيا - 2 التىن، 3 كۇمىس 3 قولا (8).

اۆتور كۇنسۇلتان وتارباي

سوڭعى جاڭالىقتار