كانۆون-2024: قازاقستان حوككەي قۇراماسى وليمپيادانىڭ قولا مەدالىنە تالاسادى

хоккей
Фото: Сали Сабиров

كانۆون. KAZINFORM - وڭتۇستىك كورەيانىڭ كانۆون قالاسىندا ءوتىپ جاتقان IV قىسقى جاس وسپىرىمدەر وليمپياداسىندا قازاقستاندىق حوككەيشىلەر قولا مەدال ءۇشىن سىنعا تۇسەدى.

اتاپ ايتساق، بۇگىن جارتىلاي فينالدىق كەزدەسۋدە 3×3 حوككەيدەن سىنعا ءتۇسىپ جاتقان ۇلدار قۇراماسى كەزدەسۋدە باستى فاۆوريت سانالعان لاتۆياعا 6:19 (1:9، 2:3، 2:7)

ەسەبىمەن ەسە جىبەردى.

ەندى 3-ورىن ءۇشىن ويىن (اۋستريا - دانيا جۇبىنىڭ جەڭىلگەنىمەن تالاسادى) ەرتەڭ استانا ۋاقىتىمەن تاڭعى 9:00 دە وتەدى.

ەستەرىڭىزگە سالا كەتەيىك، قازاقستان قۇراماسى توپتىق كەزەڭىنىڭ جەتىنشى ويىنىندا ۇلى بريتانيا كومانداسىنان 22:13 ەسەبىمەن باسىم ءتۇسىپ جارتىلاي فينالعا شىققان ەدى.

وكىنىشكە قاراي فينالعا شىعا المادى.

سونداي-اق، وسىعان دەيىن وتانداستارىمىز التىنشى كەزدەسۋىندە يسپانيا قۇراماسىن 14:4 ەسەبىمەن جەڭسە، وليمپيادانىڭ العاشقى ويىنىندا پولشانى 18:8 ەسەبىمەن قاپى قالدىرعان.

ال تايبەيدەن كەلگەن قارسىلاستارىن 14:2 ەسەبىمەن جەڭدى.

الايدا، جارىستىڭ ەكىنشى كۇنى اۆستريادان 8:9 ەسەبىمەن ۇتىلسا، لاتۆيادان 11:15 ەسەبىمەن جەڭىلىپ قالدى.

وليمپيادانىڭ ءۇشىنشى كۇنى دانيا قۇراماسىنا قارسى كەزدەسۋدە قارسىلاستارىنا 8:6 ەسەبىمەن جول بەرگەن ەدى.

اۆتوركۇنسۇلتان وتارباي

سوڭعى جاڭالىقتار