كانۆون-2024: جەڭىمپازدار قانداي مەدالدارمەن ماراپاتتالادى
وڭتۇستىك كورەيانىڭ كانۆون قالاسىندا وتەتىن IV قىسقى جاس وسپىرىمدەر وليمپياداسىنىڭ جەڭىمپازدارى مەن جۇلدەگەرلەرىنە قانداي مەدالدار بەرىلەتىنى بەلگىلى بولدى، دەپ حابارلايدى Kazinform.
بۇگىن ق ر تۋريزم جانە سپورت مينيسترلىگىنىڭ Instagram پاراقشاسىندا IV قىسقى جاس وسپىرىمدەر وليمپياداسىنىڭ جەڭىمپازدارى مەن جۇلدەگەرلەرىنە تابىستالاتىن مەدالدىڭ فوتوسى مەن رەسمي اتاۋى پايدا بولدى.
جاس وسپىرىمدەر اراسىنداعى IV قىسقى وليمپيادا ويىندارىنىڭ جۇلدەگەرلەرىنە بەرىلەتىن مەدالدىڭ اتاۋى - «جارقىراعان بولاشاق» بولادى.
سونداي-اق، وليمپيادا مەدالىنىڭ ديزاينىن جاساۋعا 2023-جىلى 120 مەملەكەتتەن 3000 نان استام ۇمىتكەر قاتىسقانىن، سولاردىڭ اراسىنان تەك، 27 جاستاعى برازيليا ازاماتى دانتە اكيرا ۋۆايدىڭ تۋىندىسى ۇزدىك دەپ تانىلعانى بەلگىلى بولدى.
ەسكە سالا كەتەيىك، IV قىسقى جاس وسپىرىمدەر وليمپياداسى بيىل 19- قاڭتار مەن 1- اقپان ارالىعىندا وڭتۇستىك كورەيانىڭ كانۆون قالاسىندا وتەدى.
قازاقستان نامىسىن سپورتتىڭ بەس ءتۇرى مەن 10 ديستسيپلينا بويىنشا 42 سپورتشى قورعايدى. اتاپ ايتار بولساق، بياتلون، كەرلينگ، كونكيمەن جۇگىرۋ، شورت-ترەك، شايبالى حوككەي، شاڭعى جارىسى، شاڭعىمەن تۇعىردان سەكىرۋ، شاڭعى قوسسايىسى، تاۋ شاڭعىسى، فريستايلدان پاراللەلدى موگۋل بويىنشا باق سىنايدى.
ءبىزدىڭ سپورتشىلار 30 جولداما جەڭىپ الدى.
اۆتوركۇنسۇلتان وتارباي
