كانديدات دجەي دي ۆەنس امەريكانى قايتادان ۇلى ەلگە اينالدىرۋ ءۇشىن ترامپپەن بىرگە جۇمىس ىستەۋگە ۋادە بەردى

استانا. KAZINFORM — وگايو شتاتىنىڭ سەناتورى دجەي دي ۆەنس رەسپۋبليكالىق پارتيانىڭ ۇلتتىق قۇرىلتايىندا ا ق ش- تىڭ ۆيتسە-پرەزيدەنتتىگىنە كانديداتۋراسىن رەسمي تۇردە جاريالادى. العاشقى سوزىندە ول ترامپپەن بىرگە «امەريكانى قايتادان ۇلى ەل ەتۋگە ۋادە بەردى»، - دەپ جازادى ەuronews.

وگايو شتاتىنىڭ 39 جاستاعى سەناتورى ەلدىڭ شەتەلدىك جۇمىس كۇشى مەن ەنەرگەتيكاعا تاۋەلدىلىگىن توقتاتىپ، اسكەري كومەكتى كۇردەلى جوندەۋگە ۋادە بەردى.

«ءبىز بىرگە وداقتاستارىمىزدىڭ بۇكىل الەم بويىنشا بەيبىتشىلىكتى قامتاماسىز ەتۋ اۋىرتپالىعىن بولىسەتىنىنە تالپىنامىز. امەريكاندىق سالىق تولەۋشىلەردىڭ جومارتتىعىن تەرىس پايدالاناتىن ەلدەر ءۇشىن ەندى ەشتەڭە تەگىن بولمايدى»، - دەدى دجەي دي ۆەنس.

دەموكراتتار تامىز ايىنىڭ باسىندا ۆيتسە-پرەزيدەنتتىك پەن پرەزيدەنتتىككە كانديداتتاردىڭ ءتىزىمىن رەسمي تۇردە جاريالايدى.