كانادانىڭ اسكەري-اۋە كۇشتەرىن العاش رەت ايەل باسقارادى
استانا. KAZINFORM - گەنەرال-لەيتەنانت دجەيمي سپەيسەر-بلانشەت كانادانىڭ اسكەري-اۋە كۇشتەرىنىڭ قولباسشىسى قىزمەتىن اتقارعان العاشقى ايەل اتانادى، دەپ حابارلايدى ت ا س س كانادا قورعانىس مينيسترلىگىنىڭ باسپا ءسوز قىزمەتى.
- گەنەرال- لەيتەنانت سپەيسەر-بلانشەت كانادانىڭ اسكەري-اۋە كۇشتەرىنىڭ 22-باسشىسى جانە بۇل لاۋازىمدى اتقاراتىن العاشقى ايەل بولادى، - دەلىنگەن ۆەدومستۆا حابارلاماسىندا.
The Canadian Press حابارلاعانداي، تاعايىنداۋ راسىمىندە جاڭا باس قولباسشى كانادانىڭ اسكەري-اۋە كۇشتەرى «ۇلكەن مىندەتتەر» الدىندا تۇرعانىن اتاپ ءوتتى.
- قازىر بىزدە كادر جەتىسپەيدى جانە جاۋىنگەرلىك ازىرلىككە جوعارى تالاپتار قويىلادى. مەنىڭ ويىمشا، بۇل - باستى ماسەلە، - دەدى ول.
كانادا اسكەري-اۋە كۇشتەرىنىڭ باس قولباسشىسى بولىپ تاعايىندالعانعا دەيىن سپەيسەر-بلانشەت «گريففون» شابۋىلداۋ تىكۇشاعىنىڭ ۇشقىشى بولدى جانە گايتي مەن بوسنيا جانە گەرتسەگوۆيناداعى ب ۇ ۇ جانە ناتو ميسسيالارىندا قىزمەت ەتتى. سونداي-اق كانادا اسكەري-اۋە كۇشتەرىندە ءارتۇرلى كوماندالىق قىزمەتتەردى اتقاردى.
ەسكە سالا كەتەيىك، ەۋرووداق پەن كانادا قاتىناستارىن نىعايتادى.
