كامەلەتكە تولماعان ۇلىنا كولىك ايداۋعا رۇقسات بەرگەن ايەل جازالاندى

استانا. قازاقپارات - قىزىلوردا وبلىسى قازالى اۋدانىنىڭ ايتەكە بي كەنتىندە تۇنگى ۋاقىتتا پوليتسەيلەر كەزەكتى رەيد كەزىندە جەڭىل اۆتوكولىكتى توقتاتىپ، كولىك تىزگىنىندە جاس ءوسپىرىمنىڭ وتىرعانىن انىقتادى.

تەكسەرۋ بارىسىندا جاس ءوسپىرىمنىڭ اناسى ۇلىنا كولىك ايداۋعا ءوزى رۇقسات بەرگەنى بەلگىلى بولدى.

قۇجاتتارى جوق جانە باسقارۋ قۇقىعى جوق بولا تۇرا كولىك باسقارعانى ءۇشىن قۇقىقبۇزۋشىعا قاتىستى اكىمشىلىك حاتتاما راسىمدەلدى. سونىمەن قاتار كولىك قۇرالىن باسقارۋدى قۇقىعى جوق ادامعا بەرگەنى ءۇشىن كولىك يەسى اكىمشىلىك جاۋاپكەرشىلىككە تارتىلدى.

سوتتىڭ قاۋلىسىمەن كامەلەتكە تولماعاندى اكىمشىلىك قۇقىقبۇزۋشىلىق جاساۋعا تارتىپ، ونى تاربيەلەۋ جانە وعان ءبىلىم بەرۋ، ونىڭ قۇقىقتارىن جانە مۇددەلەرىن قورعاۋ جونىندەگى مىندەتتەردى، قاۋىپسىزدىگىن قامتاماسىز ەتۋ جونىندەگى شارالاردى ورىنداماعان جاس ءوسپىرىمنىڭ اناسى ق ر ا ق ب ت ك-نىڭ 128-بابى 1-بولىگى جانە 127-بابىنىڭ 3-بولىگى بويىنشا كىنالى دەپ تانىلىپ، وعان ايىپپۇل سالىندى.

زاڭدى وكىل مەن جاس ءوسپىرىم ىشكى ىستەر ورگاندارىنا پروفيلاكتيكالىق ەسەپكە الىندى.

پوليتسيا جول قوزعالىسىنا قاتىسۋشىلارعا جول ەرەجەلەرىن قاتاڭ ساقتاۋدى سۇرايدى.