كامبودجا ۇكىمەتى استاناداعى داڭعىلعا شي جينپيڭنىڭ ەسىمىن بەردى

استانا. KAZINFORM - كامبودجا پرەمەر-ءمينيسترى حۋن مانەت سەيسەنبىدە (28 مامىر) ەل استاناسى پنومپەندەگى نەگىزگى جولعا قىتاي ءتوراعاسى شي جينپيڭنىڭ ەسىمى بەرىلەتىنىن حابارلادى.

cc-times.com حابارلاعانداي، كامبودجا ۇكىمەتى باسپا ءسوز حابارلاماسىندا حۋن مانايدىڭ سەيسەنبى كۇنى پنومپەندەگى ءۇشىنشى اينالما جولداعى شي جينپيڭ داڭعىلىنىڭ اشىلۋ راسىمىنە قاتىسقانىن حابارلادى. مالىمەتتەر بويىنشا، شي جينپيڭ داڭعىلى اينالما جولدىڭ ءبىرىنشى تاس جولىنان ءتورتىنشى تاس جولعا دەيىنگى بولىگىن قامتيدى.

كامبودجا ۇكىمەتى بۇل ارەكەتتىن «وسى ەلگە جاساعان ۇزاق مەرزىمدى قولداۋى مەن كومەگى ءۇشىن قىتايعا العىس ءبىلدىرۋ» دەپ ءتۇسىندىردى.

كامبودجا پرەمەر- ءمينيسترى حۋن مانەت دە قىتايدىڭ «ءبىر بەلدەۋ، ءبىر جول» جوسپارىنىڭ كامبودجانىڭ الەۋمەتتىك- ەكونوميكالىق دامۋىنا سەپتىگىن تيگىزگەنىن ايتىپ، ەكى ەل اراسىنداعى قارىم- قاتىناستىڭ «ءبىر- بىرىنەن اجىراماس دەڭگەيگە» جەتكەنىن باسا ايتتى.

شي جينپيڭ داڭعىلى ۇزىندىعى - 53 شاقىرىم، ەنى - 22 مەتر، قۇنى - 273 ميلليون ا ق ش دوللارى. ونى Shanghai Construction Engineering Group سالعان.

جوبا قىتاي ۇكىمەتى بەرەتىن جەڭىلدەتىلگەن نەسيەلەر ەسەبىنەن قارجىلاندىرىلادى، سونىمەن قاتار كامبودجا ۇكىمەتى دە قاراجات بەرەدى.

اۆتور

مۇقتار مۇرات