كاليفورنياداعى ورتكە بايلانىستى 200 مىڭعا جۋىق ادامعا قاۋىپ ءتونىپ تۇر
استانا. KAZINFORM - لوس-اندجەلەس وكرۋگىندە جالعاسىپ جاتقان ءورت جالىننىڭ جاڭا اۋداندارعا تارالۋ قاۋپىن ءتوندىرىپ وتىر، دەپ حابارلايدى Kazinform مەنشىكتى ءتىلشىسى.

وندا 200 مىڭعا جۋىق ادامعا ەۆاكۋاتسيالانۋ قاۋپى ءتونىپ تۇر.
قازىرگى كەزدە يتونداعى جالىن 14117 ا ك ر (5713 گ ا) اۋماقتى قامتىپ وتىر،% 73 ى ءسوندىرىلدى، ال پاليسەيلستەگى ءورت 23713 اكر (9596 گ ا) اۋماقتى قامتىدى جانە %52 ى ءسوندىرىلدى. پاساديندە جالىن 14 مىڭ اكر (5665 گ ا) استام اۋماقتى ورتەپ جىبەردى جانە %81 ى اۋىزدىقتالدى، دەپ حابارلايدى ABC News.
كاليفورنيا گۋبەرناتورى گەۆين نيۋوم جەكسەنبىدە ورتپەن كۇرەسۋ ءۇشىن قوسىمشا رەسۋرستار جۇمىلدىراتىنىن جاريالادى. اتاپ ايتقاندا، شتات بيلىگى وڭتۇستىك كاليفورنيادا 170 تەن استام ءورت ءسوندىرۋ، سۋ تاسيتىن كولىكتەر مەن ۇشاقتاردى جۇمىلدىرادى.
جاعدايدى جاعادا 70 ميل (112 ك م/ساع) جانە لوس- اندجەلەس پەن ۆەنتۋرا وكرۋگتەرىنىڭ تاۋ ەتەگىندە 100 ميل (160 ك م/ساع) دەيىن جەتۋى مۇمكىن جەلدىڭ كۇشتى ەكپىنى قيىنداتىپ وتىر.
جالىننىڭ لوس- اندجەلەس وكرۋگىنىڭ سانتا- كلاريتا، سيمي- ۆەللي، تاۋزەند- وۋكس جانە بەربانك قالالارىنا تارالۋ قاۋپى بار. بيلىكتىڭ ءبىرىنشى تالابى بويىنشا 172 مىڭعا جۋىق ادام ەۆاكۋاتسيالانۋعا دايىن.
لوس- اندجەلەس ايماعىنداعى ءورت بيىلعى جىلدىڭ 7 - قاڭتارىندا باستالىپ، 27 ادامنىڭ ءومىرىن قيدى.
ا ق ش پرەزيدەنتى دجو بايدەن كاليفورنياداعى وسى جاعدايدى شتات تاريحىنداعى ەڭ ءىرى جانە ەڭ جويقىن ءورت دەپ اتادى.
كاليفورنيادا ورمان ورتىنە بايلانىستى اپاتتى جاعداي جاريالادى.