كانەلونىڭ كومانداسى ءالىمحان ۇلىن رەسمي تۇردە قارسىلاستار تىزىمىنە قوستى
استانا. KAZINFORM - مەكسيكالىق بوكسشى ساۋل «كانەلو» الۆارەستىڭ باپكەرى ءارى مەنەدجەرى ەددي رەينوسو قازاقستاندىق جانىبەك ءالىمحان ۇلىنىڭ ەسىمىن 2027-جىلى شاكىرتىنىڭ ىقتيمال قارسىلاستارى تىزىمىنە ەنگىزدى.
قازاقستاندىق بوكسشىنىڭ ەسىمى ەكىنشى ورتا سالماقتاعى بىرىكتىرۋ جەكپە-جەكتەرىنە ۇمىتكەرلەر قاتارىندا تۇر. بۇل تىزىمگە مەكسيكالىق حايمە مۋنگيا، امەريكالىق كريستيان اندرادە، WBC تۇجىرىمى بويىنشا ۋاقىتشا الەم چەمپيونى لەستەر مارتينەس جانە جارتىلاي اۋىر سالماقتاعى الەم چەمپيونى ۆيللي حاتچينسون دا ەنگەن.
سونىمەن قاتار «كانەلونىڭ» كومانداسى امەريكالىق تەرەنس كروۋفوردپەن جانە رەسەيلىك دميتري بيۆولمەن ريەۆانش وتكىزۋ مۇمكىندىگىن دە قاراستىرىپ وتىر.
وسىلايشا، جانىبەك ءالىمحان ۇلى ياكوب بانكپەن جەكپە-جەكتە جەڭىسكە جەتىپ، چەمپيوندىق بەلبەۋدى يەلەنسە، «كانەلومەن» ايقاسۋى مۇمكىن.
قازاقستاندىق بوكسشى مەن دات سپورتشىسىنىڭ كەزدەسۋى 2027-جىلعى 23-قاڭتاردا حورسەنس قالاسىنداعى Forum Horsens ارەناسىندا وتەدى. جەكپە-جەكتە WBO تۇجىرىمى بويىنشا ەكىنشى ورتا سالماقتاعى بوس قالعان الەم چەمپيونى اتاعى ساراپقا سالىنادى. بۇعان دەيىن بريتاندىق حامزا شيراز بۇل بەلبەۋدەن باس تارتقان ەدى.
