كاشميردە ءۇندىستاندىقتاردىڭ وعىنان بەس ادام مەرت بولدى
استانا. KAZINFORM - ءۇندىستان مەن پاكىستاننىڭ قارۋلى كۇشتەرىنىڭ دەماركاتسيا سىزىعى بويىندا بولعان اتىسىنىڭ سالدارىنان كاشميردىڭ پاكىستاندىق بولىگىندە 10 ادام زارداپ شەگىپ، كەمىندە 5 ادام مەرت بولدى.
بۇل تۋرالى رەسەيلىك ت ا س س geo TV تەلەارناسىنا سىلتەمە جاساپ حابارلادى.
تەلەارنا تاراتقان مالىمەتتەرگە قاراعاندا، پاكىستان مەن ءۇندىستاننىڭ قارۋلى كۇشتەرى باقىلاۋ سىزىعىنىڭ بويىنداعى بىرنەشە بەكەتتە ءتۇنى بويى اتىسقان. ماتەريالدا ءۇندىستاندىقتار تاراپىنان اتىلعان وقتىڭ ازاماتتىق اۋداندارعا باعىتتالعانى ايتىلادى.
بۇعان دەيىن ءۇندىستان اسكەرى 9-مامىرعا قاراعان ءتۇنى پاكىستانمەن ارادا كوپتەگەن قاقتىعىستار بولعانىن حابارلاعان ەدى.
ءۇندىستان ارمياسىنىڭ حابارلاۋىنشا، پاكىستان رەسپۋبليكاعا دروندار مەن وزگە دە قارۋدى قولدانا وتىرىپ شابۋىلداعان. سوققىلاردىڭ بەتى قايتارىلدى. بەيرەسمي دەرەكتەر بويىنشا، اۋە قورعانىس جۇيەسى 50 گە جۋىق پاكىستاندىق دروندى قاعىپ تۇسىرگەن.
وسىعان دەيىن ە و ءۇندىستان مەن پاكىستاندى سابىر ساقتاۋعا شاقىرعانى تۋرالى جازعان ەدىك.
