كادر تاپشى وڭىرلەرگە ۇزدىك پەداگوگتەردى تارتۋ بويىنشا ارنايى باعدارلاما ازىرلەندى
قازاقستاندا كادر تاپشىلىعى بار وڭىرلەرگە ۇزدىك پەداگوگتەردى تارتۋ ماقساتىندا ارنايى باعدارلاما ازىرلەندى، دەپ حابارلايدى Kazinform.
وقۋ-اعارتۋ مينيسترلىگى باسپا ءسوز قىزمەتىنىڭ مالىمەتىنشە، باعدارلامادا پەداگوگتەردى قولداۋدىڭ ءبىرقاتار شارالارى، ونىڭ ىشىندە ناقتى جۇكتەمە مەن ەڭبەكاقىنى ەسكەرۋمەن %150 عا دەيىن ىنتالاندىرۋ تولەمدەرى قاراستىرىلعان.
بۇدان باسقا، ماقساتتى ايماقتارعا تارتىلعان مۇعالىمدەر كادرلىق رەزەرۆكە ەنگىزىلىپ، «جىلدىڭ ۇزدىك جاس مۇعالىمى» بايقاۋىنا قاتىسا الادى (جۇلدە قورىندا قازاقستاننىڭ جەتەكشى ءبىلىم بەرۋ ۇيىمدارىندا 3 ايلىق تاعىلىمدامادان ءوتۋ جانە ورتا ءبىلىم بەرۋ بويىنشا حالىقارالىق كونفەرەنسيالارعا جولداما بەرۋ قاراستىرىلعان).
ارنايى باعدارلاما بويىنشا جۇمىسقا قابىلدانعان پەداگوگتەرگە 2023-جىلى اتتەستاتتاۋ راسىمىنەن وتپەي، ءبىر دەڭگەيگە جوعارى بىلىكتىلىك ساناتتارى بەرىلدى.
24 پەداگوگكە «شەبەر-پەداگوگ»، 18 پەداگوگكە «پەداگوگ-زەرتتەۋشى»، 2 پەداگوگكە «پەداگوگ-ساراپشى»، 8 پەداگوگكە «پەداگوگ-مودەراتور» بىلىكتىلىك ساناتتارى بەرىلدى.
ايتا كەتەيىك، اتالعان ءىس-شارا پەداگوگتەردىڭ جالاقىسىن 30 پايىزدان 50 پايىزعا دەيىن كوتەرۋگە مۇمكىندىك بەردى.