كابينەتىندە قىز زورلاعان تالدىقورعان پوليتسياسىنىڭ بۇرىنعى باسشىسىنا قاتىستى اپەللياتسيالىق سوتتىڭ شەشىمى جاريالاندى
جەتىسۋ. KAZINFORM - تالدىقورعاندا قالالىق پوليتسياسىنىڭ بۇرىنعى باسشىسى مارات كۇشتىبايەۆقا قاتىستى اپەللياتسيالىق سوتتىڭ شەشىمى شىقتى.
«جەتىسۋ وبلىستىق سوتىنىڭ قىلمىستىق ىستەر جونىندەگى اپەللياتسيالىق القاسى مارات كۇشتىبايەۆقا قاتىستى ۇكىمدى وزگەرىسسىز قالدىردى»، - دەپ حابارلادى وبلىستىق سوتتان.
ەسكە سالايىق، وسى جىلدىڭ ءساۋىر ايىندا تالدىقورعان پوليتسياسىنىڭ باستىعى كابينەتىندە قىز زورلاعانى ءۇشىن 11 جىلعا سوتتالعان ەدى.
ول بىلتىر قاراشادا تالدىقورعان پوليتسياسىنىڭ باسشىسى مارات كۇشتىبايەۆ قىز زورلادى دەگەن كۇدىكپەن ۇستالعان بولاتىن.
مالىمەتكە سەنسەك، قىلمىس ونىڭ كابينەتىندە بولعان.
اقپان ايىنىڭ سوڭىندا مارات كۇشتىبايەۆقا قاتىستى سوت وتىرىسى باستالعان ەدى.
پروتسەسس جابىق رەجيمدە ءوتتى.
ناۋرىز ايىندا مارات كۇشتىبايەۆتىڭ دەنساۋلىعى سىر بەرىپ، سوت زالىنان اۋرۋحاناعا الىپ كەتتى.
اۆتور
الما مۇقانوۆا
