كانادالىق اقىن ەنن كارسون ادەبيەت سالاسىنداعى نوبەل سىيلىعىن الدى
استانا. KAZINFORM - كانادالىق اقىن ءارى جازۋشى ەنن كارسون 2026-جىلعى ادەبيەت سالاسىنداعى نوبەل سىيلىعىنىڭ لاۋرەاتى اتاندى.
شەشىم ستوكگولمدە جاريالاندى. نوبەل كوميتەتى ەنن كارسوننىڭ شىعارماشىلىعىن باتىلدىعى مەن جاڭاشىلدىعى، سونداي-اق كلاسسيكالىق ادەبي داستۇرمەن ۇندەسە وتىرىپ، جاڭا ادەبي فورمالار قالىپتاستىرعانى ءۇشىن جوعارى باعالاعان.
76 جاستاعى ەنن كارسوننىڭ جارىق كورگەن 20 عا جۋىق كىتابى بار. ونىڭ شىعارماشىلىعى بۇعان دەيىن دە ادەبيەت سىنشىلارى تاراپىنان جوعارى باعالانىپ كەلگەن.
جازۋشىنىڭ ماراپاتتارى قاتارىندا پۋشكارت، گريففين، ت. س. ەليوت جانە استۋريا حانشايىمى سىيلىقتارى، سونداي-اق كانادا وردەنى بار.
بيىل نوبەل سىيلىعىنىڭ وزگە دە لاۋرەاتتارى انىقتالدى. حيميا سالاسىنداعى سىيلىق انري كاگان مەن كەنسو سوايگە، فيزيكا سالاسىنداعى سىيلىق فرەنسيس حالتسەنگە، ال مەديتسينا سالاسىنداعى جۇلدە كارل دەيسسەروت، پەتەر حەگەمان جانە گەورگ ناگەلگە بەرىلدى.
2026-جىلعى فيزيولوگيا جانە مەديتسينا سالاسىنداعى نوبەل سىيلىعى عالىمدار كارل دەيسسەروت، پەتەر حەگەمان جانە گەورگ ناگەلگە «جارىق ارقىلى باسقارىلاتىن يوندىق ارنالار مەن وپتوگەنەتيكاعا قاتىستى جاڭالىقتارى ءۇشىن» بەرىلدى. لاۋرەاتتاردىڭ ەسىمدەرى 5-قازاندا، دۇيسەنبى كۇنى ستوكگولمدە جاريالاندى.
