كانادادا مىڭداعان ستۋدەنت نارازىلىق اكسياسىنا شىقتى
استانا. KAZINFORM - كانادانىڭ مونرەال قالاسىندا جۇما كۇنى مىڭداعان ستۋدەنت ءومىر ءسۇرۋ قۇنى مەن وقۋ اقىسىنىڭ قىمباتتاۋىنا قارسى نارازىلىق اكتسياسىنا قاتىستى. بۇل تۋرالى ت ا س س اگەنتتىگى حابارلادى.
كانادا ۋنيۆەرسيتەتتەرىنىڭ مىڭداعان ستۋدەنتى قاتىسقان اكسيانى «ستۋدەنتتىك كاسىپوداقتاردىڭ بىرلىگى جولىنداعى قارسىلىق كواليتسياسى» اتتى كاسىپوداق بىرلەستىگى ۇيىمداستىرعان.
CTV News حابارلاۋىنشا، ستۋدەنتتەر فرانسياداعى نارازىلىق اكسيالارىنان كەيىن 5 كۇن بويى مونرەال كوشەلەرىنە شىققان.
نارازىلىق كەزىندە اكسياعا قاتىسۋشىلاردىڭ كەيبىرى مونرەالداعى دۇنيەجۇزىلىك ساۋدا ورتالىعى عيماراتىنىڭ تەرەزەلەرىن سىندىرعان. سونداي-اق كەيبىر ستۋدەنتتەر پوليتسيا قىزمەتكەرلەرىنە تاس لاقتىرعاننان كەيىن نارازىلار مەن ءتارتىپ ساقشىلارى اراسىندا قاقتىعىس بولعان.
پوليتسيا قىزمەتكەرلەرىنە شابۋىل جاسادى دەگەن كۇدىكپەن ءۇش ادام ۇستالدى.
ەسكە سالا كەتەيىك، گەرمانيادا مىڭداعان ادام يران حالقىنا قولداۋ ءبىلدىرىپ، شەرۋگە شىققان بولاتىن.
سونداي-اق فرانسيادا جاپپاي نارازىلىق قايتا كۇشەيدى. ەرەۋىلگە شىققان 448 ادام ۇستالدى.
