كۇندە قۋاتتى جارقىل تىركەلدى

قولدانبالى گەوفيزيكا ينستيتۋتىنىڭ مالىمەتىنشە، مۇنداي قۋاتتاعى كۇن جارقىلى سوڭعى رەت 5-قىركۇيەكتە تىركەلگەن.

- 5-قازاندا ماسكەۋ ۋاقىتىمەن ساعات 21:48 دە رەنتگەن ساۋلەسى دياپازونىندا 4545 (N19E10) داقتار توبىندا 30 مينۋتقا سوزىلعان M1.1 جارقىلى تىركەلدى، - دەلىنگەن حابارلامادا.

كۇن جارقىلدارى رەنتگەن ساۋلەسىنىڭ قۋاتىنا قاراي A، B، C، M جانە X دەگەن بەس كلاسقا بولىنەدى. ەڭ تومەنگىسى - A0.0 كلاسى. ول جەر وربيتاسىنداعى شارشى مەترگە 10 نانوۆاتت ساۋلە قۋاتىنا سايكەس كەلەدى. كەلەسى ارىپكە وتكەن سايىن ساۋلە قۋاتى 10 ەسە ارتادى.

كۇن جارقىلدارى كەزىندە پلازما لاقتىرىلۋى مۇمكىن. ونىڭ بۇلتتارى جەرگە جەتكەن جاعدايدا ماگنيتتىك داۋىلدارعا سەبەپ بولادى.

بۇعان دەيىن كۇندە تامىز ايىنداعى ەڭ قۋاتتى جارقىل تىركەلگەنى تۋرالى جازعان بولاتىنبىز.