ك ح د ر وڭتۇستىك كورەياعا تاعى دا قوقىس شارلارىن ۇشىردى

سەۋل. KAZINFORM - بۇگىن، 18- قاراشا كۇنى تاڭەرتەڭ سولتۇستىك كورەيا ءۇش اپتالىق ۇزىلىستەن كەيىن وڭتۇستىك كورەياعا 40 قا جۋىق قوقىس شارىن ۇشىردى. بۇل تۋرالى «Yonhap» اگەنتتىگى حابارلادى.

قوقىس شارلارىنىڭ جارتىسىنا جۋىعى سەۋل مەن ورتالىق كيونگي پروۆينتسياسىنا ءتۇستى.

حابارلامادا سونداي- اق شارلاردىڭ ىشىندە وڭتۇستىك كورەيانى سىنايتىن پاراقشالار بولعانى جانە قاۋىپتى ماتەريالداردىڭ بولماعانى ايتىلعان.

سەۋل سولتۇستىك كورەيانىڭ قوقىس شارلارىن ۇشىرۋى «تىم شەكتەن شىعۋ» وتكەنىن مالىمدەدى.

- ءبىزدىڭ ساربازدارىمىزدىڭ سابىرىن سىناماڭىزدار، - دەلىنگەن حابارلامادا.

ەسكە سالا كەتەيىك، بۇعان دەيىن سولتۇستىك كورەيا تاعى دا وڭتۇستىك كورەياعا قوقىس تولتىرىلعان شارلاردى ۇشىرعانىن حابارلاعان ەدىك. سونداي- اق 2-ماۋسىمدا سولتۇستىك كورەيا وڭتۇستىك كورەياعا قوقىس شارلارىن ۇشىرعان بولاتىن.