ەكپە الماعان بالالاردىڭ ساباققا قاتىسۋىنا شەكتەۋ ەنگىزىلۋى مۇمكىن بە
استانا. KAZINFORM - ەگەر توپتا نەمەسە سىنىپتا ۇجىمدىق يممۋنيتەت بولماسا، ەكپە الماعان بالالاردىڭ مەكتەپتەر مەن بالاباقشالارعا بارۋىنا تىيىم سالىنۋى مۇمكىن. بۇل تۋرالى ق ر دەنساۋلىق ساقتاۋ ۆيتسە-ءمينيسترى ماناس رامازانوۆ ايتتى.
بۇگىن قۇرىلتايدا تىلشىلەر ۆەدومستۆو وكىلىنەن اۋرۋدىڭ تارالۋى قارقىن العان جاعدايدا، ەكپە الماعان بالالاردىڭ مەكتەپتەر مەن بالاباقشالارعا بارۋىن ۋاقىتشا شەكتەۋ جونىندە شەشىم قابىلداۋ مۇمكىندىگى تۋرالى سۇرادى.
- قازىرگى ۋاقىتتا ءتيىستى بۇيىرىق بار. اسىرەسە، بۇل جاعداي قىزىلشاعا قاتىستى. ەگەر ۇجىمدىق يممۋنيتەت قالىپتاسپاعان بولسا، مەكتەپكە دەيىنگى مەكەمەلەرگە نەمەسە مەكتەپتەرگە بارۋعا تىيىم سالىنادى. مىسالى، ەگەر توپتاعى نەمەسە سىنىپتاعى بالالاردىڭ باسىم بولىگى ەكپە العان بولسا جانە ەكپە الماعان ءبىر بالانىڭ بولۋى سول توپتىڭ ۇجىمدىق يممۋنيتەتىنە ءقاۋىپ توندىرمەسە، وندا ول بالاعا وقۋ ورنىنا بارۋعا رۇقسات ەتىلەدى. دەگەنمەن ءار جاعداي جەكە قاراستىرىلۋعا ءتيىس. سىنىپتاعى نەمەسە توپتاعى بالالاردىڭ كوپشىلىگى ەكپە الماسا، وندا مەكتەپكە دەيىنگى مەكەمەلەرگە نەمەسە مەكتەپتەرگە بارۋعا تىيىم سالىنادى، - دەدى ماناس رامازانوۆ.
ەسكە سالساق، قىزىلشانىڭ ءارى قاراي تارالۋىنىڭ الدىن الۋ ماقساتىندا ق ر باس مەملەكەتتىك سانيتارلىق دارىگەرىنىڭ 2026 -جىلعى 19-اقپانداعى № 3-«قازاقستان رەسپۋبليكاسىنداعى قىزىلشا بويىنشا سانيتاريالىق- ەپيدەمياعا قارسى جانە سانيتارلىق- پروفيلاكتيكالىق ءىس-شارالاردى ۇيىمداستىرۋ جانە وتكىزۋ جونىندەگى شارالار تۋرالى» قاۋلىسى قابىلداندى.