جيىرما جىلدان سوڭ: شەتەلدىكتەر اسىراپ العان قازاقستاندىق قىزدار استاناعا كەلدى
12-مامىردا 20 جىل بۇرىن امەريكالىق وتباسى اسىراپ العان قارعاندىلىق قىزدار استاناعا كەلدى، دەپ حابارلادى turkystan.kz سايتى.
5 قازاق قىزى اسىراپ العان وگەي انالارى شارونمەن بىرگە كەلگەن. ولاردى بەلگىلى جۋرناليست گۇلميرا دايراباي اۋەجايدان قارسى الدى.
«2021 -جىلى مەن ا ق ش-تا وقۋدا جۇرگەندە Sharon مەن تانىسىپ، ءبىزدىڭ قازاق قىزدارىمەن كوردىم. كەيىن ولارمەن جاقىن ارالاسىپ، 15- نەمەرەسىن قىرقىنان شىعارىپ، اعايىن سياقتى ارالاسىپ كەتتىك. بۇل تۋرالى دوكۋمەنتالدىق فيلم youtube جەلىسىندە بار.
Sharon ماعان حابارلاسىپ، «قالاي بولادى ەكەن؟!» دەپ ۋايىمداپ، قىزدارىمەن 20 جىلداڭ كەيىن ءبىرىنشى رەت كەلىپ تۇر»، - دەپ جازدى جۋرناليست جەلىدەگى پاراقشاسىندا.
ونىڭ ايتۋىنشا، قىزداردىڭ ەسىمى - زارينا، ينديرا، سۇيكىمدى، ەلۆيرا جانە نايليا.
بىرنەشە اپتانىڭ ىشىندە بۇرىنعى قاراعاندىلىقتار، ال قازىر ا ق ش ازاماتتارى وزدەرى تۋىپ-وسكەن ەلدى جاقسىراق تانىپ، ولاردىڭ ءتۇپ-تامىرىمەن تانىساتىن بولادى.
«مۇندا بولۋ وتە جاقسى ءارى ەرەكشە. 19 جىل كورمەگەن اپكەمدى كوردىم. ءبىزدى قازاقى سالت-ءداستۇر بويىنشا قارسى الدى. باۋىرساقتىڭ ءدامى ەسىمە ءتۇستى»، - دەدى سۇيكىمدى كوللينز ءوزىنىڭ العاشقى ەموتسيالارىمەن ءبولىسىپ.
