جيىرما جاستاعى قازاق جىگىتى كاسىپ اشۋدا كوش باستادى - شەتەلدەگى قازاق باسپا ءسوزى
Kazinform. ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.
20 جاستاعى قازاق جىگىتى كاسىپ اشۋدا كوش باستادى - «حالىق گازەتى»
قىتايلىق ب ا ق- تىڭ دەرەگىنشە، ەردانا جەڭىسالى ۇلى نارات دالاسىندا تۋىپ-وسكەن، تۋعان جەرىنىڭ كوركەم كەلبەتى مەن جىلقىعا دەگەن ماحابباتى ونى بيىل ماۋسىم ايىندا وقۋىن بىتىرگەن سوڭ تۋعان اۋىلىنا قاراي جەتەلەدى.
ەردانا جەڭىسالى ۇلى تۇراتىن نارات جايلاۋىنىڭ تۋريستەرگە باعىتتاعان ءمىنىس ات ۇجىمى 20 قازاق جىگىتىنەن قۇرالعان. ارىپتەستەرى ۇجىم باستىعى ەرسىن شوقىن ۇلىن «چەمپيون كومانداسىنىڭ كاپيتانى» دەپ اتايدى.
قىتايلىق باسىلىمنىڭ مالىمەتىنشە، 33 جاستاعى ەرسىن شوقىن ۇلى ۇلتتىق شاڭعى كومانداسىنان مانسابىن اياقتاعاننان كەيىن اناسىنا قارايلاسۋ ءۇشىن تۋعان جەرىنە ورالعان. ول سپورتشى كەزىندە الەمنىڭ كوپتەگەن ەلىن ارالاعان، ال قازىر تۋعان جەرىنىڭ سۇلۋلىعىن الەمگە تانىستىرۋعا ۇمىتتەنەدى. بيىل ناۋرىزدا ول اۋىل تۇرعىندارىنىڭ كىرىسىن ارتتىرۋ ءۇشىن «چەمپيون» اتتى ءمىنىس ات كومانداسىن قۇردى.
ءمىنىس ات كومانداسى مالشىلاردان 200 گە جۋىق ات جيناپ، ءتۇرلى باعىتتار بويىنشا تۋريستىك شارالار ۇيىمداستىردى. بۇل ارادا تۋريستەر ات ءمىنىپ قانا قويماي، ات شاناعا وتىرۋ، قاردا جارىسۋ سياقتى شارالارعا دا قاتىسا الادى، سونىمەن قاتار ات باپكەرلەرى ولارعا قازاقتىڭ قىز قۋۋ، كوكپار سياقتى ءداستۇرلى ويىندارىن كورسەتەدى.
قانداسىمىز ايماقتىڭ تاڭداۋلى ۇستازى اتاندى - Janadauir.com
كاسىپتىڭ اتاسى - ۇستازدىق.. . «ۇستازى جاقسىنىڭ - ۇستامى جاقسى» دەمەكشى ۇستازى ۇلاعاتتى بولسا، شاكىرتى دانا بولادى. بۇل جولعى «كاسىبىم- نەسىبەم» ايدارىنىڭ كەلەسى قوناعى ايماعىمىزداعى 2023 -جىلدىڭ ۇزدىگى - ەلىمىزگە ەڭبەك سىڭىرگەن ۇستاز بايىلقان نياز ۇلى اتىنداعى جالپى ءبىلىم بەرەتىن 5 - مەكتەپتىڭ 3- سىنىپ جەتەكشىسى باقىتنۇر قابكەي قىزى.
قىمباتتى وقىرماندار ەندى نازارلارىڭىزعا ايماقتىق تاڭداۋلى باستاۋىش سىنىپ ۇستازى باقىتنۇر قابكەي قىزىمەن وتكىزىلگەن سۇحباتتى ۇسىنامىز، دەپ جازادى janadauir.com.
بيىل جاڭا جىل قارساڭىندا ايماقتىق ساڭىلاق اتانعان باقىتنۇر قابكەي قىزى 2008 -جىلى ادىسكەر ۇستاز، 2014 -جىلى اعا ۇستاز مارتەبەسىن العان. ال، 2015 -جىلى «مۇعالىمدەر داڭقى» ، 2016 -جىلى جەتەكشى ۇستاز توسبەلگىسىمەن، 2017 -جىلى ءا ا و ق- نىڭ ماقتاۋ گروماتاسىمەن، 2018 -جىلى ايماقتىق وزات قىزمەتكەر توسبەلگىسىمەن 2019 -جىلى ۇكىمەت ورنىنىڭ «ءبىلىم سالاسىنىڭ وزات قىزمەتكەرى» توسبەلگىسىمەن، 2020 -جىلى ايماقتىڭ قۇرمەتتى ازاماتى توسبەلگىلەرىمەن ماراتتالعان.
وزبەكستان مەن قازاقستان 2024 -جىلعا ارنالعان جوسپارلاردى تالقىلادى - « ءو ز ا»
وزبەكستان مەن قازاقستان س ءى م باسشىلارى تەلەفون ارقىلى سويلەسۋ بارىسىندا ەكىجاقتى قارىم- قاتىناستا وتكەن جىلى قول جەتكىزىلگەن ناتيجەلەردى قورىتىندىلاپ، الداعى 2024 -جىلعا ارنالعان جوسپارلاردى تالقىلادى.
بۇل تۋرالى وزبەكستاندىق « ءو ز ا» اقپاراتتىق اگەنتتىگى حابارلادى.
«ارىپتەسىم، قازاقستان رەسپۋبليكاسى پرەمەر- ءمينيسترىنىڭ ورىنباسارى، سىرتقى ىستەر ءمينيسترى مۇرات نۇرتىلەۋ مىرزامەن تەلەفون ارقىلى سويلەسۋ بارىسىندا ءبىز جىل بوي قول جەتكىزىلگەن ناتيجەلەردى قورىتىندىلاپ، الداعى 2024 -جىلعا ارنالعان جوسپارلارىمىزدى تالقىلادىق. وتكەن جىلى ءبىز ەكىجاقتى قارىم- قاتىناستارىمىزدا كوپتەگەن جەتىستىكتەرگە كۋا بولدىق، الداعى جىلى بۇدان دا كوپ جەتىستىكتەر كۇتەمىز» ، - دەپ جازعان وزبەكستان س ءى م باسشىسى ءوزىنىڭ Telegram كانالىندا.
قىتايدان قازاقستانعا كىرىپ- شىققان جولاۋشىلار سانى كۇرت ارتتى - CNR
بىلتىر قاراشا ايىندا «قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى ۆيزالىق تالاپتاردان ءوزارا بوساتۋ تۋرالى كەلىسىمى» كۇشىنە ەنگەننەن بەرى، شىڭجاڭنىڭ قورعاس كەدەن بەكەتىندەگى تەكسەرۋ زالى ارقىلى كۇن سايىن كوپتەگەن جولاۋشىلار شەكارادان كىرىپ- شىقتى.
2024 -جىلى 3-قاڭتاردا جولاۋشىلار مولشەرى كۇرت ارتىپ، ءبىر كۇندە شەكارادان كىرىپ- شىققان ادامدار سانى 2000 نان استى، دەپ جازادى قىتايدىڭ «ورتالىق حالىق راديوسى» .
اتالعان ب ا ق- تىڭ دەرەگىنشە، قازاقستان رەسپۋبليكاسىنىڭ ۇكىمەتى مەن قىتاي حالىق رەسپۋبليكاسىنىڭ ۇكىمەتى اراسىنداعى ۆيزالىق تالاپتاردان ءوزارا بوساتۋ تۋرالى كەلىسىم كۇشىنە ەنگىزۋىنىڭ ارقاسىندا، ەكى ەل تۇرعىندارى اراسىنداعى بارىس- كەلىس پەن گۋمانتيارلىق اۋىس- ءتۇيىس اناعۇرلىم جيىلەي تۇسكەن.
قازىرگى ۋاقىتتا «قورعاس» حالىقارالىق اۆتوۆوكزالىندا قازاقستانعا 4 حالىقارالىق جولاۋشىلار باعىتى بار.
قورعاس شەكارادان كىرىپ- شىعۋ شەكارا قورعانىس تەكسەرۋ پۋنكتىنىڭ ساندى مالىمەتىنە قاراعاندا، 2023 -جىلى قورعاس شەكارا وتكەلى ارقىلى شەكارادان كىرىپ- شىققاندار 730 مىڭ ادامعا جەتىپ، 2019-جىلداعىدان %208.56 ارتىپ، شىڭجاڭداعى جولاۋشىلار تاسىمالى ەڭ جوعارى شەكارا وتكەلى بولعان.
توقايەۆ 2023 -جىلى 19 ەلگە ساپارمەن شىقتى - «TRT»
قازاقستان پرەزيدەنتىنىڭ ءباسپاسوز قىزمەتى جىلدى قورىتىندىلادى.
2023 -جىلى قازاقستان پرەزيدەنتى قاسىم- جومارت توقايەۆتىڭ قارقىندى ديپلوماتيالىق قادامدارى جالعاستى.
قاسىم- جومارت كەمەل ۇلى شەتەلگە 19 رەت ساپار جاسادى. 27 حالىقارالىق فورۋم مەن سامميتكە قاتىستى. اتاپ ايتقاندا، شەت مەملەكەتتەردىڭ پرەزيدەنتتەرىمەن 30, شەتەل ۇكىمەتتەرى باسشىلارىمەن، حالىقارالىق ۇيىمداردىڭ جەتەكشىلەرىمەن، ىسكەر توپتار وكىلدەرىمەن 106 كەزدەسۋ وتكىزىلدى. مەملەكەت باسشىسىنىڭ ساپارلارى شەڭبەرىندە 18 ەكىجاقتى قۇجاتقا قول قويىلدى. سونىمەن قاتار 27 مەملەكەتتىڭ ەلشىلەرىنەن سەنىم گراموتالارىن قابىلدادى. 41 ەلدىڭ باسشىلارىمەن تەلەفون ارقىلى سويلەستى.
بۇل تۋرالى وسى اپتادا تۇركيا راديو تەليەۆيزيا پورتالى حابارلادى.
تۇركيالىق باسىلىم، قازاقستان پارسى شىعاناعى ەلدەرىمەن ىنتىماقتاستىق پەن ستراتەگيالىق ارىپتەستىكتى نىعايتۋعا ءمان بەرگەنى تۋرالى دا جازعان.
سونىمەن بىرگە ول ترانسكاسپي ءدالىزىن دامىتۋ بويىنشا جۇمىستى كۇشەيتكەنىن تىلگە تيەك ەتكەن.
توقايەۆ جۇمىس ساپارمەن ەلدىڭ 14 وڭىرىندە بولعانى دا ايتىلعان.
«مەملەكەت باسشىسى 5 مىڭنان استام قۇجاتقا، ونىڭ ىشىندە 98 زاڭعا، 344 جارلىققا، 91 وكىمگە قول قويدى. ەلباسىنىڭ تاپسىرماسىمەن مۇعالىمدەردىڭ جالاقىسى 100 پايىزعا، دارىگەرلەردىڭ جالاقىسى 30 پايىزعا كوتەرىلدى»، دەپ جازادى تۇركيالىق ب ا ق.
قازاقستان رەسەيلىك اۆيابازادا اسكەري قىزمەتشىلەر ءۇشىن كيىز ءۇي تىكتى - «Parstoday»
سيرياداعى رەسەيلىك حمەيميم اۆيابازاسىندا ورنالاسقان كيىز ۇيدە يسلام ءدىنىن ۇستاناتىن اسكەري قىزمەتشىلەر ناماز وقي الادى، دەپ حابارلايدى «Parstoday» اقپارات اگەنتتىگى رەسەي قورعانىس مينيسترلىگىنە سىلتەمە جاساپ.
رەسەي قورعانىس مينيسترلىگى قازاقستاننىڭ بۇل ەرەكشە دە باعالى سىيى ەكى باۋىرلاس ەل اراسىنداعى مىزعىماس دوستىقتىڭ سيمۆولىنا اينالدى دەگەن.
«قازاقستاننىڭ بۇل ەرەكشە دە باعالى سىيى ەكى باۋىرلاس ەل اراسىنداعى مىزعىماس دوستىقتىڭ سيمۆولىنا اينالدى جانە ول سيريا اۋماعىندا لاڭكەستىككە قارسى كۇرەستە جۇرگەن رەسەيلىك اسكەري قىزمەتشىلەر اراسىنداعى ۇلتارالىق جانە كونفەسسياارالىق قارىم- قاتىناستاردى ودان ءارى نىعايتۋعا ىقپال ەتەتىنى ءسوزسىز»، - دەپ اتاپ وتكەن رەسەي قورعانىس مينيسترلىگى.
نامازحانا بارلىق قاجەتتى اتريبۋتتارمەن جابدىقتالعان.
التايدىڭ ءجۇن- تەرىلى شاڭعىسى الەمگە تانىمال بولا ءتۇستى - «حالىق» گازەتى
التاي «قار قالاسى» رەتىندە بەلگىلى. ەجەلگى زاماننان بەرى اڭ تەرىسى جەرگىلىكتى قازاقتاردىڭ قىسقى ءوندىرىسى مەن تۇرمىسى ءۇشىن ماڭىزدى قۇرالداردىڭ ءبىرى بولدى. قۋانىشبەكتىڭ ۇيىنەن 40 شاقىرىمنان استام جەردە ورنالاسقان ءدوڭدىبۇلاق ۇڭگىرىندە 10000 جىلدان استام تاريحقا يە شاڭعى تەۋىپ، اڭ اۋلاعان سۋرەتتەرى بار.
بۇل تۋرالى قىتايلىق «حالىق» گازەتى باسىلىمى حابارلادى.
اتالعان ب ا ق- تىڭ كەلتىرگەن دەرەگىنە سۇيەنسەك، ءجۇن- تەرىلى شاڭعىلاردىڭ ارتىقشىلىعى - ولارمەن ورگە جۇرۋگە دە بولادى. التايلىق قۋانىشبەكتىڭ ايتۋىنشا، كەيدە قىستا قالىڭدىعى ەكى مەتردەن اساتىن قار جاۋادى، وندايدا اتپەن جۇرە المايسىز. شاڭعىنىڭ بۇل ءتۇرى مالشىلاردىڭ قاتىناسىنا كەپىلدىك ەتەدى.
ايتا كەتەيىك، بەيجىڭدەگى 2022 -جىلعى قىسقى وليمپيادا ويىندارىندا قار- مۇز مادەنيەتىن ناسيحاتتاۋدىڭ ارقاسىندا شىڭجاڭنىڭ التاي ايماعى شاڭعى سپورتىنىڭ العاشقى كوزى رەتىندە الەمگە تانىمال بولدى. سونىمەن قاتار قۋانىشبەكتىڭ ءجۇن- تەرىلى شاڭعىلارىنا دا كوبىرەك تاپسىرىس كەلىپ ءتۇسىپ، بيزنەس جىل سايىن جاقسارىپ كەلەدى ەكەن.
«قۋانىشبەك سونىمەن قاتار short video پلاتفورماسىندا اككاۋنت اشىپ، ءوزى ۆيدەو ءتۇسىرىپ جانە مونتاجداپ، ءجۇن- تەرىلى شاڭعىنى جاساۋ پروتسەسىن كورسەتەتىن بەينەلەردى كوپشىلىككە ۇسىنۋ ارقىلى وسى ەجەلگى مادەنيەتتى كوبىرەك جاستارعا تانىمال ەتتى» ، دەپ جازادى قىتايلىق باسىلىم.
اۆتور
بەيسەن سۇلتان
