جەڭىسكە - 80 جىل: اسكەري-اۋە كۇشتەرىنىڭ ارميالىق اۆياتسياسى استاناعا كەلدى

استانا. KAZINFORM - مي-17، مي-35 جانە مي-171 ش تىكۇشاقتارى استانا قالاسىنداعى 19132 اسكەري بولىمىنە جەتكىزىلدى. بۇل تۋرالى قورعانىس مينيسترلىگىنىڭ باسپا ءسوز قىزمەتى حابارلادى.

بۇل اۋە كەمەلەرى ۇلى جەڭىستىڭ 80 جىلدىعىنا ارنالعان اسكەري پارادقا قاتىسادى.

ارميالىق اۆياتسيا ەكيپاجىن اسكەري-اۋە كۇشتەرىنىڭ قولباسشىسى اۆياتسيا گەنەرال-مايورى رۋسلان قوڭىروۆ باستاعان اسكەريلەر داستۇرگە ساي ۇلتتىق ناقىشتا - قىمىز جانە باۋىرساقپەن قارسى الدى.

بۇل شارا الداعى تاريحي پارادقا دايىندىقتىڭ ماڭىزدى كەزەڭدەرىنىڭ ءبىرى.

ايتا كەتۋ كەرەك، اسكەري پارادقا مايداندىق، ارميالىق جانە اسكەري-كولىك اۆياتسياسىنىڭ 60 تان اسا ۇشۋ كەمەسى قاتىسادى.

ايتا كەتەلىك جەڭىستىڭ 80 جىلدىعىنا وراي قازاقستاندىق اسكەري 80 شاقىرىم مارافون جۇگىرىپ شىققان ەدى.