جىن شىعاراتىن ەمشىدە بولعان 9 جاستاعى قىز پسيحولوگيالىق كومەك الىپ جاتىر
استانا. KAZINFORM - بالالاردىڭ قۇقىقتارىن قورعاۋ كوميتەتى بۇل جاعدايدى باقىلاۋىنا الدى.
- قازىر بالاعا كاسىبي پسيحولوگيالىق كومەك كورسەتىلىپ جاتىر. وقيعا ورنىندا بالالار قۇقىقتارى جونىندەگى وڭىرلىك ۋاكىل جۇمىس ىستەپ جاتىر. بالانىڭ دەنساۋلىعى مەن ءال- اۋقاتىنا قاۋىپ توندىرەتىن كەز كەلگەن مۇنداي ارەكەتتەرگە جول بەرىلمەيدى، - دەلىنگەن بالالاردىڭ قۇقىقتارىن قورعاۋ كوميتەتى تاراتقان حابارلامادا.
وسى ورايدا وقۋ-اعارتۋ مينيسترلىگى بالالاردىڭ قۇقىعىن قورعاۋدى قامتاماسىز ەتەتىن زاڭدار مەن نورمالاردى ساقتاۋ قاجەتتىگىن ەسكە سالادى.
بۇعان دەيىن الەۋمەتتىك جەلىدە يسلام مەديتسيناسىمەن جىن شىعارعان ەمشى كەيكۋات وسپانوۆتىڭ ارەكەتى تالقىعا ءتۇسىپ جاتقانى جايلى حابارلاعان ەدىك.
بەلگىلى بولعانداي، بالالاردان جىن شىعاراتىن ەمشى بۇرىن اتىراۋداعى مەشىتتىڭ كۇزەتشىسى بولعان.
سونداي- اق، اتىراۋ وبلىستىق پوليتسيا دەپارتامەنتىنىڭ باسپا ءسوز قىزمەتى الەۋمەتتىك جەلىدە تاراعان ۆيدەو تەكسەرىلىپ جاتقانىن حابارلادى.
