جىلىتۋ ماۋسىمىن باستاۋعا قازاندىقتار مەن ترۋبينالار دايىن

استانا. KAZINFORM - جىلىتۋ ماۋسىمىن باستاۋعا قازاندىقتار مەن ترۋبينالار دايىن. بۇل تۋرالى ورتالىق كوممۋنيكاتسيالار قىزمەتىندەگى بريفينگتە ەنەرگەتيكا ۆيتسە- ءمينيسترى سۇڭعات ەسىمحانوۆ ايتتى.

«جىلىتۋ ماۋسىمىن باستاۋعا قازاندىقتار مەن ترۋبينالار دايىن. ماسەلەن، پاۆلودار قالاسىندا الەۋمەتتىك نىساندارعا جىلۋ بەرىلە باستادى. بارلىق ستانسادا 4,7 ميلليون توننا كومىر قورى بار. قور جيناۋدىڭ 10 جانە 20 تاۋلىكتىك ءنورماتيۆى بار. كومىر وندىرەتىن كەنىشتەر ستانسادان 200 شاقىرىمنان جاقىن بولسا، وندا 10 تاۋلىككە، ال ودان الىس بولسا 20 تاۋلىككە جەتەتىن قور بولۋى كەرەك. بۇل نورماتيۆتەر جىلىتۋ ماۋسىمى باستالعاننان باستاپ قولدانىستا بولادى. قازىرگى ۋاقىتتا ستانسالاردىڭ 90 پايىزىندا قور جينالعان. ەكى- ءۇش مەكەمەدە بۇل جالعاسىپ جاتىر. مازۋتپەن قامتاماسىز ەتۋ ماسەلەسى دە باقىلاۋدا تۇر. بۇگىندە 90 مىڭ تونناداي مازۋت بار. بىزدە مازۋتپەن جۇمىس ىستەيتىن ستانسا جوق. ءبىراق، مازۋت وت جاعۋ ءۇشىن قاجەتتى قوسىمشا وتىن سانالادى»، - دەدى ۆيتسە- مينيستر.

ونىڭ اتاپ وتۋىنشە، ەلىمىزدە الەۋمەتتىك مازمۋت ۇعىمى ەنگىزىلگەن. ماسەلەن، مازۋتتىڭ نارىقتاعى 1 تونناسى 150 مىڭ تەڭگە بولسا، الەۋمەتتىك مازۋتتىڭ 1 تونناسى 115 مىڭ تەڭگە مولشەرىندە بەكىتىلگەن.

ايتا كەتەرلىگى، جۇيەلىك وپەراتوردىڭ جوندەۋ كەستەسىنە سايكەس ەلەكتر ستانسالارىندا بيىل 10 ەنەرگوبلوكتا، 55 قازاندىقتى جانە 45 تۋربينانى كۇردەلى جوندەۋ جوسپارلانعان. 5 ەنەرگوبلوكتا، 30 قازاندىقتا، 26 تۋربينادا جوندەۋ جۇمىستارى اياقتالدى. 4 ەنەرگوبلوكتا، 24 قازاندىقتا جانە 18 تۋربيناداعى جوندەۋ جۇمىستارى ءار ءتۇرلى كەزەڭدەردە جۇرگىزىلىپ جاتىر.

ەلەكتر جەلىلەرى بويىنشا 20,8 مىڭ شاقىرىم ەلەكتر بەرۋ جەلىلەرىندە 422 كىشى ستانسادا، 4054 تاراتۋ پۋنكتى مەن ترانسفورماتورلىق كىشى ستانسالاردا كۇردەلى جوندەۋ جۇمىستارى كوزدەلگەن. 18,6 مىڭ شاقىرىم ەلەكتر بەرۋ جەلىلەرى مەن 351 كىشى ستانسا مەن 3851 تاراتۋ پۋنكتى مەن ترانسفورماتورلىق كىشى ستانسالارعا جوندەۋ جۇمىستارى جۇرگىزىلدى.