جىلىنا 1,6 ميلليون دوللار اقشا كەتەدى - 1100 مىسىقپەن بىرگە تۇراتىن ايەل
استانا. قازاقپارات - ا ق ش-تىڭ كاليفورنيا شتاتىندا تۇراتىن لينەيا لاتتانسيو 28000 مىسىقتى قۇتقارىپ، رەكورد ورناتقان.1992 -جىلى لينەيا لاتتانسيو اكەسىنە جاڭا مىسىق تابۋعا كومەكتەسۋ ءۇشىن شىعىپ، ۇيگە بىردەن 15 مىسىق اكەلگەن. سودان بەرى ول مىڭداعان مىسىقتارعا قامقورلىق جاساپ كەلەدى.
67 جاستاعى لينەيا لاتتانسيو كاليفورنياداعى Cat House On The Kings اتتى 12 اكرلىق جەرگە ورنالاسقان مىسىقتاردى قورعاۋ ورتالىعىنىڭ نەگىزىن قالاعان. بۇگىندە ورتالىقتا 800 ەرەسەك مىسىق پەن 300 مارعاۋ بار.
«مەن 28000 مىسىققا باسپانا بەرىپ، ولارمەن ءومىر ءسۇردىم. بۇل رەكورد بولۋى مۇمكىن»، - دەيدى لينەيا. مىسىقتاردى اسىراۋ جىلىنا شامامەن 1,6 ميلليون دوللاردى تالاپ ەتەدى. قاراجات تاماقتانۋ، ۆەتەريناريالىق كومەك، قىزمەتكەرلەردىڭ ەڭبەكاقىسى مەن تەحنيكالىق قىزمەت كورسەتۋگە جۇمسالادى.
لينەيا بۇل ىسكە ءوز زەينەتاقىسىن، كولىگىن جانە ءتىپتى نەكە جۇزىگىن ساتۋعا دەيىن بارعان. مىسىقتارعا جايلى جاعداي جاساۋ ءۇشىن ول بەس بولمەلى ءۇيىن جانۋارلارعا قالدىرىپ، ءوزى شاعىن ۇيدە تۇرادى.
