جيلين قالاسىنىڭ تۇرعىنى ساياباقتا 4 امەريكالىق ازاماتتى پىشاقتاپ تاستادى

қылмыс
Фото: 8world.com

استانا. KAZINFORM - سينگاپۋردىڭ 8world News اقپارات اگەنتتىگىنىڭ حابارلاۋىنشا، قىلمىستىق وقيعا 10-ماۋسىمدا بولعان. جيلين قالاسىنداعى جەرگىلىكتى «بەيحۋا ۋنيۆەرسيتەتىندە» اكادەميالىق ساپارعا كەلگەن 4 امەريكالىق ازامات پىشاق جاراقاتىمەن اۋرۋحاناعا تۇسكەن.

جارالانعان ءتورت ادامنىڭ ايوۆا شتاتىنداعى كورنەلل كوللەدجىنىڭ وقىتۋشىلارى ەكەنى بەلگىلى بولدى. ولار ساياباقتاعى عيباداتحاناعا بارعان. سول كەزدە تورتەۋىنە پىشاق ۇستاعان قىتايلىق ازامات شابۋىل جاساعان.

ازىرگە ونىڭ قانداي ماقساتپەن قىلمىستىق ىسكە بارعانى بەلگىسىز.

شابۋىلدان كەيىن X الەۋمەتتىك پلاتفورماسىندا بىرنەشە ادامنىڭ جاراقات الىپ، قانسىراپ، جەردە جاتقان ۆيدەوسى تارادى.

دەگەنمەن، قىتايلىق الەۋمەتتىك جەلىلەردە ءتيىستى فوتوسۋرەتتەردى تابۋ مۇمكىن ەمەس. قىتاي بيلىگى دە بۇل وقيعاعا قاتىستى مالىمدەمە جاساعان جوق. جەرگىلىكتى ب ا ق- تا دا اتالعان وقيعاعا قاتىستى اقپاراتتار جاريالانبادى.

 

سوڭعى جاڭالىقتار