جىلى ايالدامانىڭ ەسىگىن سىندىرعان تۇرعىن اسا ءىرى كولەمدە ايىپپۇل تولەيتىن بولدى
جىلى ايالدامانىڭ ەسىگىن سىندىرعان تۇرعىن اسا ءىرى كولەمدە ايىپپۇل تولەيتىن بولدى، دەپ حابارلادى Halyq Uni ءتىلشىسى.
قوستانايدا پوليتسەيلەر جىلى ايالدامانى سىندىرعان ەر ادامدى جاۋاپقا تارتتى. سوت ونى مۇلىككە قاساقانا زيان كەلتىرگەنى، بۇزاقىلىق جاساعانى جانە قوعامدىق ورىندا ماس حالدە بولعانى ءۇشىن كىنالى دەپ تاپتى.
وتكەن جىلدىڭ 23- جەلتوقسانىنان 24- جەلتوقسانىنا قاراعان ءتۇنى قوستانايدىڭ باستى كوشەلەرىنىڭ بىرىندە ورنالاسقان جىلى ايالداما پاۆيلونىنىڭ شىنى ەسىگى سىندى. پوليتسيا قىزمەتكەرلەرى بەينەباقىلاۋ ارقىلى بۇزاقىنى انىقتادى. ول قوستاناي اۋدانىنىڭ 31 جاستاعى تۇرعىنى بولىپ شىقتى. ول قۇقىقبۇزۋشىلىق جاساعان ساتتە ماس بولعان.
قۇقىق بۇزۋشى ايالداما پاۆيلونىنىڭ شىنى ەسىگىن ءوز ەسەبىنەن قالپىنا كەلتىردى. سونىمەن قاتار ول ءىرى كولەمدە ايىپپۇل تولەۋى كەرەك، - دەلىنگەن حابارلامادا.
