جىل سوڭىنا قاراي قازاقستانداعى ينفلياتسيا 10 پايىز بولۋى مۇمكىن

استانا. KAZINFORM – ق ر ۇلتتىق ەكونوميكا ۆيتسە-ءمينيسترى ارمان قاسەنوۆ ەلدەگى ينفلياتسيانىڭ ءوسۋى تۋرالى بولجامدارعا پىكىر ءبىلدىردى.

- شىنىندا دا، ينفلياتسيا بار. الايدا، جالپى ينفلياتسيا ۇدەرىسى كەرى باعىتتا ەكەنىن اتاپ وتكىم كەلەدى. ەگەر وتكەن جىلدى الساق، ينفلياتسيا %8,6 دەڭگەيىندە قالىپتاستى، ونىڭ الدىنداعى جىلى شامامەن 10% بولدى، ال ودان بۇرىن %20 بولعان، - دەدى ا. قاسەنوۆ ۇكىمەتتە وتكەن بريفينگتە.

ۆيتسە-ءمينيستردىڭ ايتۋىنشا، ينفلياتسيا - جاھاندىق ۇدەرىس جانە كوبىنە مونەتارلىق سيپاتقا يە.

- دالىرەك ايتقاندا، وعان حالىقتى نەسيەلەندىرۋ كولەمىنىڭ قارقىنى ايتارلىقتاي اسەر ەتەدى. قازاقستاندا سوڭعى ءۇش جىلدا بۇل كورسەتكىش جىلىنا %30 دەڭگەيىندە قالىپتاستى. ياعني حالىقتى نەسيەلەندىرۋ نومينالدى ج ءى ءو وسىمىنەن دە جوعارى قارقىندا ءوسىپ كەلەدى. بۇل قوسىمشا سۇرانىستى تۋدىرادى، - دەيدى ا. قاسەنوۆ.

سونداي-اق، سپيكەر ەلدە ۇلتتىق بانك پەن ۇكىمەت جۇزەگە اسىرىپ جاتقان ينفلياتسياعا قارسى كەشەندى شارالار قولعا الىنعانىن، ولاردىڭ سانى 100 دەن اساتىنىن ايتتى.

- ءدال وسى كەشەندى شارالاردى تابىستى ىسكە اسىرۋ ينفلياتسيانىڭ تومەندەۋىنە اكەلدى. جىل قورىتىندىسى بويىنشا، ينفلياتسيانىڭ شامامەن %10 دەڭگەيىندە بولاتىنىن بولجاپ وتىرمىز، - دەپ تۇيىندەدى ا. قاسەنوۆ.

بۇعان دەيىن ۇلتىق بانك ساراپشىلار قاۋىمداستىعى اراسىندا جۇرگىزىلگەن كەزەكتى ماكروساۋالناما ناتيجەسىن جاريالاعان ەدى.