جىل سايىن پوليتسياعا تۇنگى ۋاقىتتا جۇرگەنى ءۇشىن 100 مىڭنان استام جاس ءوسپىرىم جەتكىزىلەدى
استانا. KAZINFORM - جىل سايىن پوليتسيا بولىمشەلەرىنە تۇنگى ۋاقىتتا جۇرگەنى ءۇشىن 100 مىڭنان استام جاس ءوسپىرىم جەتكىزىلەدى. بۇل تۋرالى ىشكى ىستەر مينيسترلىگىنىڭ اكىمشىلىك پوليتسيا كوميتەتى ءتوراعاسىنىڭ ورىنباسارى رەنات زۇلحايىروۆ ايتتى.
ونىڭ سوزىنە قاراعاندا، سوڭعى 5 جىلدا ەلىمىزدە جاسوسپىرىمدەر جاسايتىن قىلمىس سانى تومەندەپ كەلە جاتىر. ال، قۇقىق بۇزۋشىلىقتار اتا-انالار تارابىنان بالاعا ءتيىستى باقىلاۋدىڭ جوقتىعىنان ورىن الۋدا.
«ەلىمىزدە جىل سايىن 100 مىڭنان استام كامەلەتكە تولماعان بالا تۇنگى ۋاقىتتا كوشەدە اتا-اناسىز جۇرگەنى ءۇشىن پويلتسيا ورگاندارىنا جەتەدى. ولار قىلمىستىڭ قۇربانى بولۋى نەمەسە وزدەرى دە ءتۇرلى جات ارەكەتتەر جاساۋى مۇمكىن»، - دەدى ول ورتالىق كوممۋنيكاتسيالار قىزمەتىندەگى دوڭگەلەك ۇستەل بارىسىندا.
رەنات زۇلحايىروۆتىڭ دەرەگىنشە، وسى جىلدىڭ قاڭتار- ءساۋىر ايلارى ارالىعىندا بالالارى تۇنگى ۋاقىتتا ەرەسەكتەردىڭ قاراۋىنسىز جۇرگەنى ءۇشىن 39 مىڭ اتا-انا اكىمشىلىك جاۋاپكەرشىلىككە تارتىلعان. مۇنان بولەك، تۇنگى ۋاقىتتا جاسوسپىرىمدەرگە ءتۇرلى قىزمەتتەر كورسەتكەن 1,2 مىڭنان استام كاسىپكەر دە جازاعا تارتىلىپ وتىر.
اۆتور
مارلان جيەمباي
