جىل باسىنان بەرى قانشا مىڭ ادام اتاۋلى الەۋمەتتىك كومەك الدى

استانا. قازاقپارات - 2025-جىلعى 1-مامىرعا 43,4 مىڭ وتباسىنداعى 232,5 مىڭ ادامعا 10,4 ميلليارد سوماسىنا اتاۋلى الەۋمەتتىك كومەك تاعايىندالدى. 2025-جىلى وسى ماقساتقا بيۋجەتتەن 132,9 ميلليارد تەڭگە قاراستىرىلدى.

بۇرىن حابارلانعانداي، ا ا ك- ءنىڭ نەگىزگى ماقساتى - اقشالاي تولەم تۇرىندە قولداۋدى جۇزەگە اسىرۋ جانە وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ ارقىلى وتباسىن قيىن ومىرلىك جاعدايدان شىعارۋ.

ا ا ك مىنالاردى كوزدەيدى:

- تابىسى كەدەيلىك شەگىنەن اسپايتىن ازاماتتارعا توقسان سايىن الەۋمەتتىك كومەك تاعايىنداۋ؛

- تابىسى از وتباسىلارداعى 1 جاس پەن 6 جاس ارالىعىنداعى ءار بالاعا 1,5 ا ە ك مولشەرىندە اي سايىنعى قوسىمشا تولەم بەرۋ. 2025-جىلعى 1-مامىرعا ا ا ك الۋشىلار قاتارىنان مەكتەپ جاسىنا دەيىنگى 74,4 مىڭ بالاعا 1,4 ميلليارد تەڭگە سوماسىنا قوسىمشا تولەم تاعايىندالدى؛

- جۇمىسقا ورنالاستىرۋ، ءوز ءىسىن اشۋعا نيەتتى وتباسىلارعا گرانتتار بەرۋ، بىلىكتىلىكتى ارتتىرۋ كۋرستارىنا جىبەرۋ (قاجەت بولعان جاعدايدا) جانە باسقالار ارقىلى جۇمىسپەن قامتۋعا جاردەمدەسۋ.

- قازىرگى ۋاقىتتا قازاقستاندىقتار ا ا ك تاعايىنداۋعا ءوتىنىشتى تۇرعىلىقتى جەرى بويىنشا مانساپ ورتالىعىندا، اۋىل وكرۋگىنىڭ اكىمىنە سونداي- اق ەلەكتروندىق ۇكىمەت پورتالى (egov.kz) ارقىلى بەرە الادى، - دەلىنگەن ەڭبەك جانە حالىقتى الەۋمەتتىك قورعاۋ مينيسترلىگى حابارلاماسىندا.

ەستەرىڭىزگە سالا كەتەيىك، 2025-جىلعى 1-قاڭتاردان باستاپ قازاقستانداعى كەدەيلىك شەگى وڭىرلىك مەدياندىق تابىستىڭ %35 دەڭگەيىندە، ءبىراق وڭىرلىك ەڭ تومەن كۇنكورىس دەڭگەيىنىڭ %70- نان تومەن ەمەس دەڭگەيدە ايقىندالعان.

ايتا كەتەلىك اتاۋلى الەۋمەتتىك كومەكتى تاعايىنداۋ ءتارتىبى وزگەرەتىنى تۋرالى جازعان ەدىك.