جىل باسىنان بەرى شەكاراشىلار جالعان تولقۇجاتپەن وتپەك بولعان 16 ادامدى ۇستادى

استانا. قازاقپارات - 2025 - جىلدىڭ باسىنان بەرى شەكاراشىلار جالعان تولقۇجاتپەن شەكارانى كەسىپ وتپەك بولعان 16 ادامدى ۇستادى. بۇل تۋرالى ۇ ق ك باسپا ءسوز قىزمەتى ءمالىم ەتتى.

паспорт
Фото: Мухтор Холдорбеков / Kazinform

 18- قاڭتاردا تۇركىستان وبلىسىنىڭ «جىبەك جولى» وتكىزۋ پۋنكتىندە شەكارالىق باقىلاۋدى جۇزەگە اسىرۋ كەزىندە شەتەل ازاماتى باسقا ادامنىڭ تولقۇجاتىمەن قازاقستان رەسپۋبليكاسىنىڭ شەكاراسىن كەسىپ وتۋگە ارەكەتتەنگەنى ءۇشىن ۇستالدى، - دەپ حابارلادى ۇلتتىق قاۋىپسىزدىك كوميتەتىنەن.

2024 - جىلى حالىقارالىق قاتىناس جولدارىندا 400 دەن استام وسىنداي قۇقىق بۇزۋشىلىقتاردىڭ جولى كەسىلدى.

ۇ ق ك شەكارا قىزمەتى جالعان جانە بوتەن قۇجاتتاردى پايدالانىپ شەكارادان وتكەنى ءۇشىن قىلمىستىق جاۋاپكەرشىلىك قاراستىرىلعانىن حابارلايدى.

ەسكە سالا كەتەيىك، بۇعان دەيىن استانا قالاسىنىڭ حالىقارالىق اۋەجايىندا قازاقستان رەسپۋبليكاسىنىڭ جالعان تولقۇجاتىمەن كىرۋ ءۇشىن شەكارادان وتۋگە ارەكەتتەنگەن شەتەلدىك ازاماتتى ۇستالعانىن جازعان بولاتىنبىز.

سوڭعى جاڭالىقتار