جىل باسىنان بەرى 40 مىڭنان استام جۇپ شاڭىراق كوتەرگەن

үйлену
فوتو: Pexels

ورال. KAZINFORM - «ازاماتتارعا ارنالعان ۇكىمەت» مەملەكەتتىك كورپوراتسياسى تاراتقان مالىمەتكە سەنسەك، سوڭعى 10 ايدا قازاقستاندا 103 مىڭنان استام نەكە تىركەلگەن. سونىڭ 40 مىڭى بيىلعى جىلدىڭ ۇلەسىنە تيەدى.

«ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق ب ق و بويىنشا فيليالىنىڭ باسپا ءسوز قىزمەتىنەن ءمالىم ەتكەندەي، نەكە سانى بويىنشا الماتى، استانا جانە شىمكەنت قالالارى كوش باستاپ تۇر.

سونداي-اق 2023 -جىلدىڭ شىلدەسىنەن باستاپ ەلىمىزدە 328 مىڭ شاقالاق دۇنيەگە كەلگەن.

ايتا كەتسەك، باتىس قازاقستان وبلىسى بويىنشا ازاماتتىق حال اكتىلەرىن تىركەۋ بولىمدەرى ارقىلى جىل باسىنان بەرى 1000 عا جۋىق نەكە تىركەلدى.

«قازىرگى تاڭدا «ازاماتتارعا ارنالعان ۇكىمەت» استانا، قاراعاندى، الماتى جانە قوستانايدا نەكەنى سالتاناتتى تۇردە تىركەيدى جانە بۇل قىزمەتتى باسقا قالالاردا ەنگىزۋدى جوسپارلاپ وتىر. سونىمەن قاتار بالانىڭ تۋۋىن سالتاناتتى تىركەۋدى ەنگىزۋ ويلاستىرىلۋدا. قازىردىڭ وزىندە تۋۋ تۋرالى كۋالىكتى جەتكىزۋ جانە ونى اتا-اناسىنا تىكەلەي پەرزەنتحانادا تابىستاۋ بويىنشا استانانىڭ مەديتسينالىق مەكەمەلەرىمەن كەلىسسوز جۇرگىزىلىپ جاتىر. ەلورداداعى پيلوتتىق جوبا سۇرانىسقا يە بولعان جاعدايدا جوبا اۋقىمى كەڭەيەدى. 2023 -جىلعى 1-شىلدەدەدەن باستاپ «ازاماتتارعا ارنالعان ۇكىمەتكە» ازاماتتىق حال اكتىلەرىن تىركەۋ فۋنكسياسى بەرىلگەن بولاتىن» دەپ حابارلادى ۆەدومستۆودان.

ەسكە سالا كەتەيىك، بۇدان بۇرىن قازاقستاندا كولىك قۇرالدارىن تىركەۋ جانە جۇرگىزۋشىلەردى دايارلاۋ قاعيدالارى وزگەرگەنىن جازعان بولاتىنبىز.

اۆتور
عايساعالي سەيتاق

سوڭعى جاڭالىقتار