جىبەك جولى تەلەارناسى اتى اڭىزعا اينالعان «تاماشا» تەلەشوۋى تۋرالى سەريال تۇسىرەدى
استانا. KAZINFORM - جاڭا ماۋسىمدا «Jibek Joly» تەلەارناسىنىڭ كورەرمەندەرىنە اتى اڭىزعا اينالعان «تاماشا» ءازىل-سىقاق تەاترىنىڭ تانىمال نومىرلەرى مەن اكتەرلەرىنىڭ ساحنا سىرتىنداعى ءومىرى تۋرالى سەريال ۇسىنىلادى.
استانا. KAZINFORM - جاڭا ماۋسىمدا «Jibek Joly» تەلەارناسىنىڭ كورەرمەندەرىنە اتى اڭىزعا اينالعان «تاماشا» ءازىل-سىقاق تەاترىنىڭ تانىمال نومىرلەرى مەن اكتەرلەرىنىڭ ساحنا سىرتىنداعى ءومىرى تۋرالى سەريال ۇسىنىلادى.
بيىل «تاماشا» تەلەباعدارلاماسىنىڭ ەفيرگە شىققانىنا 45 جىل. سەريالدا قازاقستاننىڭ مادەني مۇراسى تىزىمىنە ەنگەن شىعارماشىلىق ۇجىمنىڭ قۇرىلۋ تاريحى مەن قالىپتاسۋ جولى كورسەتىلەدى. اۆتورلار كورەرمەندى كەڭەس وداعى ىدىراپ، تاۋەلسىزدىككە العاشقى قادامدار جاسالىپ جاتقان 90-جىلدارعا ورالتپاق.
«تاماشا» شوۋى تۇڭعىش رەت 1978 -جىلى جەلتوقساندا قويىلدى. جارقىن تەلەباعدارلامانىڭ نەگىزىن قالاۋشى - رەجيسسەر لۇقپان ەسەنوۆ پەن رەداكتور قويشىعۇل جىلقىشيەۆ. تەاتر ساحناسىندا قۇدايبەرگەن سۇلتانبايەۆ، تۇڭعىشباي جامانقۇلوۆ، ليديا كادەنوۆا، مەيىرمان نۇرەكەيەۆ، توقسىن قۇلىبەكوۆ، ۋايس سۇلتانعازين، گۇلباۋشان تىلەۋبەكوۆا، داناگۇل تەمىرسۇلتانوۆالار ونەر كورسەتتى.
اۆتور
ەركەجان سماعۇلوۆا
