جوتەل مازالاعاندا قانداي شاي ىشكەن پايدالى؟

شاي
فوتو: pixabay.com

كۇن ءبىر سۋىپ، ءبىر جىلىعان كەزدە ادامدار ءجيى تۇماۋراتىپ قالادى. تۇماۋدىڭ جاعىمسىز بەلگىلەرىنىڭ اراسىندا جوتەل دە بار. تۇماۋ كەزىندە جىلى شاي ءىشۋ ءوزىڭىزدى جاقسى سەزىنۋگە كومەكتەسەدى. جوتەلدەن ارىلۋ ءۇشىن قانداي شايلار ىشكەن ءجون؟

ەسكەرتۋ: قانداي دا ءبىر شاي ءتۇرىن ىشپەس بۇرىن ونىڭ نۇسقاۋلىعىمەن تانىسىپ، سىزگە قارسى كورسەتىلىم بار-جوعىن ءبىلىپ الىڭىز.

كوك شاي

كوك شايدا قابىنۋعا جانە باكتەريالارعا قارسى بيولوگيالىق بەلسەندى وسىمدىك قوسىلىستارى كوپ. كوك شاي جوتەلدى جەڭىلدەتەتىن قۇرال رەتىندە تانىمال. وعان قوسا، ونىڭ قۇرامىندا كوفەين بار، ول تۇماۋ كەزىندە ءوزىڭىزدى سەرگەك سەزىنۋگە كومەكتەسەدى.

تۇيمەداق شايى

تۇيمەداق شايى قۇرامىنداعى اپيگەنين انتيوكسيدانتىنىڭ ارقاسىندا جاقسى ۇيىقتاۋعا ىقپال ەتەدى. تۇماۋ كەزىندە جىلدام جازىلۋ ءۇشىن جاقسى ۇيىقتاۋ ماڭىزدى. سونداي-اق تۇمەيداق شايىندا پايدالى وسىمدىك قوسىلىستارى كوپ بولعاندىقتان، ول قابىنۋعا قارسى قاسيەتكە يە. ول جوتەلمەن جانە تاماقتاعى جاعىمسىزدىقپەن كۇرەسۋگە كومەكتەسەدى. وعان قوسا، تۇيمەداقتا كۆەرتەتسين دەپ اتالاتىن انتيوكسيدانت بار: ول يممۋندى جۇيەنىڭ جاقسىراق جۇمىس ىستەۋىنە ىقپال ەتەدى.

جالبىز شايى

ەگەر جىلدام جازىلعىڭىز كەلسە جانە جاعىمدى حوش يىستەن ءلاززات العىڭىز كەلسە، جالبىز شايىن دەمدەڭىز. ول بوساڭسۋعا كومەكتەسەدى جانە ول قابىنۋعا قارسى قاسيەتكە يە. شاي قۇرامىنداعى مەنتولدىڭ ەفير مايلارى مۇرىن بىتەلگەن كەزدە تىنىس الۋدى جەڭىلدەتۋگە كومەكتەسەدى.

جالبىزتىكەن تامىرىنىڭ شايى

جالبىزتىكەن تامىرى قۇرعاق جوتەلمەن كۇرەسەدى. ول تاماقتىڭ قابىنعان تىندەرىن تىنىشتاندىرادى جانە ىلعالداندىرادى. سونداي-اق ول قۇرعاق جوتەلدى ىلعال جوتەلگە اينالدىرۋعا كومەكتەسەدى. سوندىقتان قاقىرىق وڭاي شىعىپ، جىلدام جازىلاسىز.

ءزىمبىر شايى

ءزىمبىر - يممۋندى جۇيەڭىزگە ەڭ پايدالى وسىمدىكتەردىڭ ءبىرى. ودان دايىندالعان شاي تۇماۋ بەلگىلەرىمەن كۇرەسۋگە كومەكتەسەدى. ول قاقىرىق شىعارۋشى قۇرال رەتىندە اسەر ەتەدى. سونداي-اق ول جۇرەك اينۋدى باسادى، قابىنۋمەن كۇرەسەدى، اسقورىتۋدى جاقسارتادى جانە اۋىرسىنۋدى باسادى.

قىزىلكۇرەڭ شايى

قىزىلكۇرەڭ (ەحيناتسيا) - تىنىس الۋ جولدارىنىڭ ينفەكتسياسىن جويۋعا ارنالعان قۇرال. مۇنداي شاي قابىنۋعا قارسى قاسيەتكە يە. ول يممۋندى جۇيەنى قاتايتۋعا كومەكتەسەدى. قىزىلكۇرەڭدە ساپونيندەر دەپ اتالاتىن ەفير مايلارى بار، ولار اعزاعا جاعىمدى اسەر ەتىپ، جوتەلدى باسادى.

ءبورىتاراق شايى

ءبورىتاراق (گيبيسكۋس) شايى انتيوكسيدانتتارعا جانە س دارۋمەنىنە باي. ول دەنە قىزۋىن تۇسىرۋگە جانە قۇرعاق جوتەلدى جەڭىلدەتۋگە كومەكتەسەدى.

ەۆكاليپت شايى

ەۆكاليپت جاپىراقتارىنان دايىندالعان شاي قابىنۋعا قارسى قاسيەتكە يە. ونى ءىشىپ قانا قويماي، سونداي-اق ونىمەن تاماق شايۋعا بولادى. ول تاماقتاعى قابىنۋدى تىنىشتاندىرادى.

سوڭعى جاڭالىقتار