جوسپاردان تىس تەكسەرەمىز: ورالدا مەكتەپ-بالاباقشا باسشىلارىنا ۇ ق ك اتىنان جالعان حابارلاما كەلگەن
ورال. KAZINFORM - ورال قالاسىندا مەكتەپتەر ديرەكتورلارى مەن بالاباقشا مەڭگەرۋشىلەرىنە جالعان اقپارات تارادى.
بەلگىسىز بىرەۋلەر WhatsApp مەسسەندجەرى ارقىلى ورال قالاسى اكىمىنىڭ، سونداي- اق ءبىلىم ءبولىمى باسشىلارىنىڭ اتىنان ۇ ق ك- نىڭ حابارلاماسى دەلىنگەن حاتتى جىبەرگەن.
وندا ورال قالاسى ءبىلىم بولىمىندە تەكسەرۋ جۇرگىزىلىپ، قىلمىستىق ءىس قوزعالعانى ايتىلعان.
ورال قالاسى ءبىلىم بەرۋ ءبولىمىنىڭ باسپا ءسوز حاتشىسى ەلميرا نۇعمانوۆا مۇنداي جاعدايدىڭ ورىن العانىن راستادى.
«باستاپقىدا وسىنداي حابارلاما ءبىلىم ءبولىمى باسشىسىنىڭ، سودان كەيىن ورىنباسارىنىڭ اتىنان كەتكەن. سوسىن ورال قالاسى اكىمىنىڭ دە اتىنان بارعان. سول بويدا مەكتەپ ديرەكتورلارى مەن بالاباقشا مەڭگەرۋشىلەرىنە بۇل اقپاراتتى الاياقتاردىڭ تاراتىپ وتىرعانى ايتىلدى. ويتكەنى كورسەتىلگەن نومىرلەر ول كىسىلەردىڭ اتىنا تىركەلمەگەن. سوندىقتان ولارعا جاۋاپ بەرمەي، بۇعاتتاپ تاستاۋ كەرەكتىگى ەسكەرتىلدى. سونىمەن قاتار ۇ ق ك دەپارتامەنتىنە دە حابارلاما جاسالدى»، - دەدى ە. نۇعمانوۆا.
ەسكە سالا كەتەيىك، بۇدان بۇرىن الاياقتار ب ق و اكىمىنىڭ اتىنان جالعان حابارلاما تاراتقانىن جازعان بولاتىنبىز.
