جولدا تەلەفون قولدانۋ كەزىندە نەنى ەسكەرۋ كەرەك؟

استانا. قازاقپارات - قازىر تەحنولوگيا زامانى. ءومىرىمىزدى گادجەتسىز ەلەستەتە المايتىنىمىز دا جاسىرىن ەمەس. الايدا جول-كولىك وقيعالارىنىڭ كوبەيۋ سەبەپتەرى دە جول ۇستىندە تەلەفونعا ءجيى ۇڭىلگەننىڭ سالدارى دەۋگە بولادى.

سول سەبەپتى جول قوزعالىسى قاتىسۋشىلارىنا ەرەجەلەردى ەستە ساقتاۋ قاجەت. قوزعالىس كەزىندە سمارتفونعا نازار اۋدارۋدىڭ سالدارى اۋىر بولۋى مۇمكىن. تەلەفونعا ءبىر مينۋتقا ءۇڭىلۋدىڭ ءوزى ءبىر ادامنىڭ ءومىرىن جالمايدى.

ودان بولەك تەلەفوندى كولىكتە قولدانۋ ادام كوز جانارىنا ەكى ەسە زيانىن تيگىزەدى. سەبەبى كولىك ۇنەمى قوزعالىستا بولعاندىقتان تەلەفوننىڭ ساۋلەسى ادام كوزىن اۋىرتىپ، تەز شارشاتادى.

كىشكەنتاي ەكرانعا تەلمىرۋدەن ءسىز جاياۋ جۇرگىنشى بولساڭىز كولىكتى نە وزگە قوزعالىستى بايقاماي قالۋىڭىز دا ابدەن مۇمكىن. بۇل تۇستا جول قاتەلىكتى كەشىرمەيتىنىن دە ەسكەرگەنىڭىز ءجون.

ايتا كەتەيىك، جول ۇستىندە تەلەفونمەن شۇعىل جۇمىس ىستەۋ قاجەت بولسا ءار 15-20 مينۋت سايىن كوزدى دەمالدىرعان دۇرىس. سونداي-اق، تەلەفون جارىعىن ازايتىپ، ءماتىن قارىپىن ۇلعايتىپ، كوزدەن كەمىندە 40 س م الشاق ۇستاۋ كەرەك. بۇل كوزدىڭ تالماۋىنا قارسى امالدىڭ ءبىرى.